發佈時間：17:21 2026-09-11
近年不時出現在交通工具範圍內的偷拍及非禮事件，最近有網民在社交平台發文建議港鐵仿效日本引入「女性專用車廂」，帖文迅速引起各方網民激辯，不少女網民力撐措施能有效自保、免受騷擾，亦有部分男網民反駁，稱此舉做法多餘甚至等同「歧視」，有網民認為此舉可減少不必要的爭執，惟有人擔心會令其他車廂更為擠逼。
「女性專用車廂」源自日本，原意是防範日益惡化的性騷擾問題而設立。近年，本港不時就是否在公共交通工具設立專用車廂而引起討論。近日，有網民在Threads發文大嘆「香港幾時可以同日本一樣整返個女性專用車廂」，認為港鐵可以仿效日本，引入「女性專用車廂」保障女性安全。
帖文引起網民熱議，不少人支持該措施，認為能有效阻止非禮及偷拍情況發生，「支持女性專用車廂，間唔中見到痴漢偷拍女性上晒新聞」、「說實話年輕時經常喺地鐵比人非禮，只要係着裙或短褲出事率勁高，有時人多唔知，有路人幫手鬧先知，有時人太多唔確認，又驚出聲俾人話返轉頭『咁高貴自己搭的士啦』。」
另有網民直言，除防範非禮、偷拍外，部分男性乘客「張開大腿坐姿」佔用空間、甚至散發濃烈體味，令其十分困擾，「呢個車廂一定減少好多臭味」、「有時真係唔想同啲臭男人一齊同一個車箱」、「香港需要女性專用車廂好有必要存在，啲年紀大嘅男性會抽人水非禮女性，同埋坐位腿開開或有異味。」
男網民反擊：倡設「男性車廂」自保防被冤枉
不過，有部分男網民反應強烈，認為此舉猶如「歧視」，有人語帶諷刺地表示：「有一種女士專用車廂叫的士」、「真係要有女性專用，就一定要整埋男性專用，將兩者完全隔開」、「幾時整老人車廂？幾時整小童車廂？幾時整三性別車廂？」、「算吧啦，香港每一個群體都整一個車廂。」
但亦有一批男網民表示支持，稱可以自保及防止被冤枉，「搭親地鐵都盡量避開女人，試過幾獲，明明佢地自己撞埋嚟」、「我係男人都希望希女性專用車廂，根本而家男人搭車仲危險過啲女人」、「絕對支持，可以保障返男士，唔使隻眼唔小心望到又話視姦，唔使拎部電話出嚟又話偷拍。」
與此同時，有網民認為此舉可減少不必要的爭執，「其實係好事嚟，起碼減少好多爭拗，對男女都係好事，唔明點解反對同埋咁激動」，惟有人坦言要實施起來相當困難，稱或會令其他車廂更為擠逼「冇乜可能，而家已經迫成咁仲開女性車廂只會更加迫」。
圖片及資料來源：Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
