發佈時間：18:48 2025-12-08
截至12月6日，大埔宏福苑五級大火已造成159人死亡，另有31人失聯，部分已尋獲遺體亦尚未能確認身份。警方安排失聯者家屬今早（8日）10時起，在廣福社區會堂分批進行脫氧核糖核酸（DNA）口腔拭子採樣，以作科學鑑定辨別遺體，計劃兩日內完成。9時許便陸續有家屬前來，有人手持鮮花，神情肅穆到場。
陳小姐的父母住在宏昌閣低層單位，至今仍然失聯，預料早已罹難，惟一直未能未到遺體。她指招魂後，「喺屋裡面搵到舊好細好細、縮到好細（的遺骸），唔知係阿爸定阿媽嘅」。她早上懷着悲痛心情到廣福社區會堂進行DNA採樣，希望可辨認出父母遺體，好讓至親安息。她指採樣過程需時約半小時，需三至四星期才會有化驗結果。
「佢哋（工作人員）話唔知搵唔搵到遺體，有機會被水沖走，講咗好多可能性，依家唯有接受咗先。」陳小姐直言好痛﹕「好想畀返個身份佢哋（父母）。」
此外，善後工作亦令她身心俱疲，「仲有好多手續要辦，每一日都有好多嘢要自己排隊，就算搵親朋戚友代辦都唔可以，要我同妹妹拎住災民證去辦。」她坦言，「一戶一社工」並沒有幫到她很多，「其實有啲災民都仲未聯絡到社工幫手，每日都要自己去撲，有時朝早10點排隊，排到下午3點，但11點已經派完籌，之後又唔知幾時再派籌，我一日要行四區，去唔同地方申請基金」。
若無法證實父母罹難，沒有死亡證如何是好？她表示「我都想知程序，但香港嘅政策又要跟返（程序），希望盡快解決，因為返工嘅返工，返學嘅返學，唔可以無了期請假，我嚟咗新公司唔係做咗好耐，但公司都很體諒我，由第一日出事到依家，冇可能返到工，真係好影響生活」。
目前警方已完成涉事7幢大廈內部搜索，由消防處牽頭的跨部門調查專組聯同政府化驗所人員，開始在火災現場檢取樣本進行化驗。今日下午近1時，大型工程吊臂車將鐵架吊上宏昌閣樓上，準備為個別單位進行臨時加固工程。
