發佈時間：17:34 2025-12-08
11月在愛協養被領養的3個月大唐狗女Micky，在到新家的第1日，Micky還未熟悉環境，領養人便牠去大潭水塘玩，結果走失！慶幸義工們即到現場尋找，最終尋回Micky，帶回愛協，經評估後原領養人並不適合繼續飼養Micky，Micky在愛協乖乖接受禮儀、社會化等訓練。今日愛協傳來好消息，Micky已經再被領養過新生活啦！
愛護動物協會今日（12月18日）在社交網站面書發帖，宣布Micky迎來幸福新生活：
「大家好～我喺11月頭啱啱被領養就唔小心走失，當時真係嚇親唔少人呀！不過而家有好消息想同大家分享：我而家好安全，仲搵到真正屬於我嘅永久家園啦！✨
當時我喺大潭郊野公園過咗幾日流浪生活，好彩有好多有心人幫手搵我，最後我平安無事被發現，順利返到愛協中心。多謝每一位有幫手搵我嘅朋友，正因為你哋嘅努力，我先有機會遇到我嘅新家庭，並喺上星期正式被領養 — 今次係真正嘅「永遠的家」啦！🏡💕
我而家改咗個新名叫Raiya，仲有個大姐姐Kaila，佢教我點樣玩玩具。我哋成日一齊玩摔角，有時我仲會偷偷攞走佢啲玩具添！🤣依家我最鍾意就係黐住我嘅主人同姐姐，我條尾日日擺到唔停，開心到不得了呀！
衷心多謝大家一直以嚟嘅關心、支持同鼓勵，你哋俾咗我第二次機會再次展開幸福生活。」
愛協在上水垃圾站援救 獲領養1日即走失
唐狗女Micky是在上水一個垃圾站被人發現，當時右前腳受傷，經通報後由愛協督察救起，經愛協獸醫醫治後康復，其後安排尋家及由現領養人接回家。Micky的性格比較害羞和細膽，但喜歡和其他狗玩耍。
然而11月1日時只有約3個月大的狗女「Micky」剛獲領養，沒想到領養人翌日（11月2日）即帶她到大潭郊野公園2號燒烤場遊玩，結果不小心讓狗狗走失。多名義工得知後已經趕到現場展開搜救，AirTag亦顯示狗狗身在燒烤場附近的叢林中，惟未能找到狗狗的身影，讓一班義工十分擔心，當日安排領養的愛護動物協會，亦有職員到場協助尋狗。
小編奉勸大家，剛獲領養的狗狗必須先讓其在家安頓，熟習環境後，有安全狗繩及已學習帶狗外出安全守則後，才慢慢在家居附近練習散步，千萬不要一下子便帶到遠處玩，萬一走失就後悔莫及！
