發佈時間：18:50 2025-12-08
大埔宏福苑一場無情火奪去逾百人性命，血淋淋的教訓歷歷在目，一名大叔卻在開着防火門，在後樓梯用化寶桶燒衣紙，遭阻止時還怒喝「唔好淋熄佢」。有網民將現場影片轉發至社交平台Threads後，引發網民關注，不少人分享有同類經歷，有人則直斥此行為猶如縱火，建議報警。
樓主：無藥可救、四處遺禍
樓主前日（6日）發帖時，指責大叔在後樓梯燒衣紙的行為「無藥可救、四處遺禍」，感慨「敏感時期仲搞啲咁嘅嘢」。從其分享影片可見，一名大叔正在9樓後樓梯用化寶桶燒衣紙，防火門半開着。一名女子怒斥他「唔可以咁樣㗎……拿你再要咁樣，我真係報警㗎喇」，指他「仲要咁樣行開咗個火，頭先」。一名身穿白衣疑為管理員的男子正在處理事件。
大叔則指着化寶桶稱「我睇住佢燒㗎」，女子繼續喝斥他，大叔遂揮揮手，聲稱「燒埋今日唔燒」。提着膠桶的管理員便道﹕「我幫你淋返熄佢。」大叔隨即高聲喝止﹕「唔好淋熄佢！」女子看不過眼反駁「唔可以咁樣咁樣鬧管理員呀」。
大叔隨後拿起化寶盆旁的長鐵枝翻動衣紙，現場白煙滾滾。女子續稱﹕「我有晒影片，我真係會報警㗎，你再咁樣。有咁大嘅教訓（宏福苑五級大火）你都唔聽！」最後，大叔揚手似乎示意已燒完衣紙，管理員表示「等佢熄咗我先走」。
樓主隨後在回應欄中補充，指「Sorry（對不起）唔記得講係群組轉發，我非當事人。嬲得滯唔記得補充返」。
網民怒斥行為如縱火
事件引發網民議論，有人留意到防火門半開，指「開住防火門嚟燒，驚死啲煙入唔到人哋間屋」。有人認為「燒衣就落街燒啦，喺後樓梯有乜事點算，佢喺度縱火」。有網民提到﹕「上次我住嘅大廈都有人喺走火樓梯燒嘢，搞到成座大廈都係煙，有人勸唔掂索性直接報警。」
另有不少人分享了類似經歷，有人憶述家中長輩「以前都係咁」，但經勸導後已改用「樓下公用化寶爐度燒」。有網民則表示「記得隔離屋入伙時，在家中燒嘢仲打開門，成走廊都是煙，當時真是火都嚟埋，即刻打電話俾管理處處理。真是有好多呢類人」。
另有網民亦指：「住舊樓好多呢啲，過時過節⋯⋯走廊就好大陣燒衣味。」「我個鄰居都會喺走廊燒衣，話佢仲會鬧返我轉頭。同管理處投訴都冇用，仲要長期打開防火門」。有網民更曾因此走火警﹕「我大廈都試過，有人後樓梯燒紙皮 ，結果火警鐘響，全橦樓走火警。」
資料來源：maggieleecf＠Threads
