更新時間：18:25 2025-10-11
發佈時間：18:24 2025-10-11
發佈時間：18:24 2025-10-11
近日有女職員被拍到在港鐵藍田站的「長命」扶手電梯上，一邉大喊「偷嘢」，一邊追逐一名大叔。由於當時站在扶手電梯上的人都沒有反應，引發網民議論。有人批評他們態度冷漠，也有人冷靜分析，認為出手幫忙，反而會「有不可預知嘅後果」。
樓主：阿叔走得快一定有古怪
目擊網民於本月5日在facebook群組「香港突發事故報料區及討論區」上載短片，並留言指「阿叔走得快一定有古怪」。從片中可見，一名紅衣女子在「長命」扶手電梯上追着一名穿藍衣大叔，沿途高喊「偷嘢呀！前面嗰個藍色衫偷嘢」。大叔則越叫越走，最後說了一句「俾返晒舖頭啦」，便長揚而去。
網民：嗌到咁都冇人幫手攔截
有網民認出現場是港鐵藍田站的「長命」扶手電梯，紅衣女子則相信是「藍田便利店姨姨」。不過，在這場追逐中，網民的焦點放在了站在扶手電梯上的一眾毫無反應的乘客。不少人批評「成件事無人肯出手／出口幫」、「嗌到咁都冇好心人幫手截住佢」、「悲哀，完全冇人諗住截住呀叔」。
網民：變咗骨牌可大可少
有網民則估計，「可能啲人反應唔切，雖然個呀叔跑得好X慢」。不少網民贊同他們一動不如一靜﹕「喺扶手電梯度捉佢真係有不可預知嘅後果」、「始終喺扶手電梯上面，一有人企唔穩、撻落嚟、跌倒、砸親其他人，仲大件事？」、「大家都企一個好危險嘅位置（扶手電梯），變咗骨牌可大可少，如果有阿婆仔喺附近就更加大鑊」。
有人認為「前面幾個都係婦孺，好難幫手捉，重點藍田條扶手電梯出名長，佢反抗隨時攬炒碌晒落去打保齡。有片等差佬搞算啦，阿姐都冇謂咁博」。
資料來源：Emily Ho＠facebook群組「香港突發事故報料區及討論區」
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
