更新時間：11:54 2025-09-17
發佈時間：11:54 2025-09-17
發佈時間：11:54 2025-09-17
近日網上瘋傳一條影片，顯示一名婆婆搭乘港鐵時，揮拐杖強迫少女讓座，雙方爆發罵戰。有同車乘客看不過眼，出聲批評婆婆倚老賣老。事主之後亦在社交平台發文，狠斥婆婆「唔好攞你老人家身份嚟橫蠻無理，咁大個人連基本禮貌都唔識，仲要郁手郁腳」。
女事主在社交平台發帖表示，上周日（14日）早上搭港鐵，一名婆婆「一上車就揮動拐杖，兼呼喝人要讓座畀她」，之後更「冇預警」硬攝入她和一名小童之間，婆婆「係咁撞埋嚟」，女事主稱遭拐杖篤中，並被批踭，形容當時「好驚，我成個人震哂，因為我唔知佢會唔會郁手打我」。
婆婆稱「開車唔企得」
女事主公開當時對質影片，片中她向婆婆說道：「係咪老人家就要咁樣讓！」婆婆即以大動作手指指，並喝道：「我開車唔企得呀！我叫你讓個位畀我坐呀！」
女事主反駁：「咁你大晒呀？」婆婆回應說：「唔係大晒，我企唔穩呀！」女事主即澄清是針對她的不禮貌態度：「咁你講唔該呀嘛！」婆婆申辯說她有講唔該，女事主即指出：「就係咁樣用枝拐杖整我嘅？！」婆婆又否認有拐杖碰她：「我無整到你呀，我叫你讓畀我坐呀！」
有同車乘客看不過眼，出聲批評婆婆倚老賣老。
婆婆喝道：「我開車唔企得呀！我叫你讓個位畀我坐呀！」
女事主在帖文中強調，平時會主動讓座給有需要的人，批評該長者無基本禮貌：「唔好攞你老人家身份嚟橫蠻無理，咁大個人連基本禮貌都唔識，仲要郁手郁腳」。
有網民認為「點都好，都要尊重老人家，你企硬唔讓坐，列車一開，老人家企唔穩跌倒，你係咪會開心呢」，但有人則認為老人家不應恃老賣老，要人讓座亦須有基本禮貌。
最Hit
