更新時間：19:46 2025-08-22
發佈時間：19:46 2025-08-22
發佈時間：19:46 2025-08-22
家長身教很重要，尤其是帶着小孩到公共場所時，更要有公德心和同理心。有網民早前便在中環一商場洗手間內，看到一名母親疑似抱着小孩在洗手盆小便，被旁人指責時還反駁﹕「你沒養過小孩嗎？」該網民隨即將事件分享至社交平台，不少人留言直斥該名母親的行為離譜，指商場職員「會喺度洗LUNCH BOX（午餐盒），真係多謝佢」。
樓主目擊喺鋅盤度屙尿
樓主在社交平台Threads上載相片發帖斥「好黐線」，指在洗手間內目睹一名女子抱着小朋友在洗手盆小便，「我問佢做乜Ｘ喺鋅盤屙尿，佢：你沒養過小孩嗎？我：？？？？？？我無」。樓主又指，「我想影清楚啲嗰時，前面黑衫女仔幫佢遮住唔俾我影」。
事件讓不少網民感到氣憤，紛紛教路樓主如何駁斥﹕「回覆佢：我沒養過小孩，但我有教養！」「答佢，我無，但我做過小孩，我媽教我如何去廁所！」「同佢講教小朋友忍一陣係父母責任，係教育一部份。」「無養過小孩，但有做過小孩，父母教洗手盆係洗手唔係屙屎尿，你會唔會用馬桶洗碗／整冷麵，有嘅真的無話可說，叫清潔姐姐嚟Ｘ佢哋喇。」
網民怒斥無衛生常識
有網民則指出重點，指「整污糟晒洗手個位」、「同有無細路有咩關係？無教養無文化無衛生常識」、「黐孖筋，唔合衛生呀阿嬸！搞到全世界烏煙瘴氣污糟邋遢」！有人則奇怪﹕「到咗廁所仲要屙洗手盆？啲尿四圍彈好想嘔！」「有鋅盤嘅地方，即係已在洗手間？點解唔忍多一陣入去馬桶痾Ｘ飽佢？」。
還有人表示，「我湊過都唔會咁做。去水渠都唔一樣，加上洗手盆唔係咁用，啲SHOP（商店）有啲職員會喺度洗LUNCH BOX（午餐盒），真係多謝佢」，建議「廁所裏面無清潔姨姨？如果有應該要立即通知佢」。
資料來源：healun_hatelate＠Threads
最Hit
