發佈時間：19:57 2025-07-02
有港女日前在社交平台Threads發帖發相，公審東鐵兩名女乘客拒絕讓座。她指自己帶80歲老父搭東鐵北上深圳，因父親腰脊有問題，她要求兩名女乘客讓座但被拒，因此質問﹕「香港宜家的優先座位對老人家還有效嗎？」但事件曝光後，樓主反而遭到不少網民批評，有人更點出其謬誤，令事件出現大逆轉。
公審兩女子 其中年輕少女無打格
樓主發布的照片中，被公審的兩名女乘客中只有1人的臉孔被打格，另一名年紀較輕的則未被遮掩臉容。她們坐在5個座位的中間位置，背後上方有「優先座」的標籤，同排其他位置則坐着3名男子。
道德綁架？網民：我畀足錢想坐下啫，都畀人影po上網？
帖文引發熱烈迴響，有網民質疑樓主為何只公審2名女乘客：「點解淨係問兩個女士？佢有冇問埋隔離個男士呀？」「係咪欺善怕惡見男人就唔敢問？」有人還揶揄：「係孝順嘅，畀多幾千蚊你老竇搭的士過去啦。」「點解唔去頭等，大把位又舒服。」
另有網民認為優先座並非必須要讓座，「讓畀你只不過係人情」，「點解唔可以唔讓？我畀足錢想坐下啫，都要畀人影po上網？唔使下下道德綁架啩，我返咗成日工都好攰……」
不少網民更點出樓主在事件中的關鍵謬誤：「優先座係得2個，一係靠左或者右個2個，至少正中間個位女士唔係坐優先座。」從照片中可見，優先座應在左面位置，正有兩名上了年紀的男子坐着。有網民相信樓主是因被「上面條彩帶誤導」，以為整排座位均是關愛座。
孕婦留言：人人都會攰 無人老馮要讓座畀任何人
有人認為樓主亦應體諒其他乘客，以不打格公審別人的做法太過份：「最重要條女果個唔係關愛座，同埋，就算係關愛座，條女可能都真係有需要坐囉，我識大把後生腰椎盤突出，女性又可能生理痛，唔係一定要80歲腰痛先係有需要囉。」
有孕婦亦表示，「無人老馮要讓座畀任何人」，「我大肚都盡量避開繁忙時間搭地鐵，要搭就有心理準備無位坐企一陣，人人都會攰㗎啦」。
港鐵「鼓勵」讓座
也有網民體諒樓主關懷老父之心：「搭公共交通對行動不便嘅老人家都係辛苦，所以我覺得樓主冇講錯。」樓主隨後已刪除有關公審帖文。
港鐵車廂自2009年起設有「優先座」，「鼓勵」乘客讓座予有需要人士，包括殘疾、人士、孕婦、長者、手抱嬰孩及不良於行的乘客。
