發佈時間：19:48 2025-05-22
粉嶺一名男子近日在皇后山邨皇后山商場街市看到一名老伯跌倒在地，並努力想要起身，旁邊街坊見狀便上前扶他，但管理員阻止並聲稱「要跟程序做，唔好郁佢，同佢報警」。他對此表示質疑﹕「咁我哋咪睇住佢？喺度睇表演咁？喺度鼓勵佢？」事件引發關注，惟網民對管理員處理方式的看法兩極。
樓主在FB專頁「皇后山乜都友」發帖指，事發於本周二（20日）下午，他在商場街市「見到個阿伯跌倒」，「睇到個伯伯極力想起身」。當時一名戴眼鏡男子與管理員一同上前，但「唔識扶佢起身」，其他人想要協助，但管理員「話唔好，佢話要跟程序做，唔好郁佢，同佢報警」。
從樓主拍到的畫面可見，涉事老伯在一間急凍食品店前跌倒，清醒並有意識地向前趴在地上，雙膝跪地，雙手撐在地上，似乎想要自行站起來。
樓主：咁我哋咪睇住伯伯？喺度睇表演咁？
樓主不滿管理員阻止別人扶起阿伯：「睇到阿伯嘅動作係咪極力想起身吖？起咗幾次起唔到啊？」他亦質疑任由老伯趴在地上的處理方法不合理：「咁我哋咪睇住佢？喺度睇表演咁？喺度鼓勵佢？起身啦起身啦咁樣啊？定係推返佢趴喺度呢？」
樓主最後決定不理管理員反對，上前扶起伯伯讓他坐好，以待警員到場送他入院：「我從後熊抱將佢扶起，然後大聲叫佢哋攞啲凳嚟，畀個阿伯坐喺度再報警處理。」從其上載相片可以見到，老伯最後被送上了救護車。
據警方發言人指，本周二接獲報案稱，皇后山商場街市一名約70歲老伯跌倒，其後被送院醫治。
網民：伯伯向前趴 料頸椎或脊椎無受傷應先扶起坐低
事件吸引了不少網民熱議，有人支持管理員的做法，認為「唔可以掂到傷者」，但也有人認為老伯「已想起身，但都唔扶」不合理：「2個男人都冇力扶起伯伯咩？」「佢講程序又唔幫手真係相當自私。」
有網民則指：「如果有啲急救常識嘅，正常你見到阿伯跌嘅姿勢，係向前跌趴咗響地，首先可以排除咗佢頸椎或脊椎會有受傷先，跟住就可以叫人攞張凳嚟扶佢起身坐低，並唔係唔可以掂佢。」而且街市並非理想環境，老伯又趴在檔口前面，扶起他較合理。該網民補充指，若當時老伯「跌倒係躺平姿勢，咁就有機會頸椎或脊椎受傷，響呢個情形之下，就真係唔好郁佢」。
根據長者安居服務協會的資料，看到長者跌倒時應保持冷靜，千萬不要急於扶起，應先評估其初步傷勢，如外傷、詢問其疼痛位置及痛楚程度。除非現場有即時危險，否則在等候送醫期間，不要移動傷者。
