發佈時間：20:00 2025-04-18
生活充滿了壓力，能夠遇到好人好事，即使只是一件小小的事情，也能令人感到欣慰。早前便有一名壓力山大的男子懷着沉重心情乘搭小巴時，偶遇一名極有耐心和禮貌的司機，在短短的10分鐘車程裡，被對方對乘客說的4句話，撫平了情緒，直言﹕「成個人精神爽利晒！」
4句對答撫平港男生活壓力
這名男子日前在社交平台Threads發布長文，講述了這段神奇的經歷，指自己「呢排壓力真係好大，噚晚瞓覺連續兩次飆冷汗扎醒咗，今日帶住沉重嘅心情出去整嘢」。結果上小巴後，「短短10分鐘嘅路程，突然之間成個人精神爽利晒」。
樓主大讚司機「超級好禮貌」，「每個乘客上車時佢都會講『多謝晒慢慢坐好』；乘客同佢講邊度停嗰陣時，佢就會講『知道，等等呀』；跟住乘客落車時，佢亦都會講『小心啊，慢慢』。最後每個乘客落車嗰刻 都會自動自覺講番，『唔該晒，拜拜』」。
樓主形容全程讓他感到很舒服，「我啲壓力好似消失咗咁。雖然問題仲喺度，但係慢慢解決啦」。他希望藉此表揚這名司機，「真係唔係個個都係『Ｘ人嚟嘅』」。
樓主﹕全程最期待係落車同司機講「唔該晒」
他隨後還在回應欄補充指，相信自己搭小巴10次裏面，「有4個（司機）好好、3個冇乜特別、2至3個特別衰囉。不過呢個真係特別好。其實我全程最期待就係落車同佢講，『唔該晒』」。他提到，「其實大埔去旺角嗰架小巴個司機都好好人㗎！因為好多都係中文大學放學嘅學生預約咗，所以佢哋好似好熟咁樣」。
但也有試過不好的體驗﹕「試過上過架小巴，個小巴司機衰到Ｘ街，我同佢講九龍城邊度停，佢唔理我，冇反應、冇手勢，乜都冇。咁我過多10秒、8秒再同佢講一次，跟住佢好大聲同返我講『聽X啦，唔X使再講多次』」，跟住我就上咗身，同佢Ｘ咗足足差唔多5分鐘。」
網民激讚：呢個小巴司機真心好好
帖子吸引了不少網民圍觀，有人回應指「真係要讚，好少司機會咁做」、「依家有啲小巴司機好好態度」、「遇到nice（好）嘅人真係會有好心情」、「呢個小巴司機真心好好，有禮貌真係差好遠」。
網民分享遇上有禮司機體驗
有網民則分享了遇到有禮司機的體驗：「我都遇到咁好禮貌嘅司機，成程車好舒服，一個好特別嘅氛圍，好似成車都係自己人一樣，有來有往，好refresh（重新整理），感覺美好。」「入（元朗）大棠小巴都有一位超有禮貌又慈祥嘅小巴司機叔叔，搭到佢架車，嗰日真係會好運啲架～我信有啲人有好強嘅能量。」
有人則指﹕「每日8點後嗰段繁忙時間，我會搭往觀塘方向嘅小巴。好多乘客上車時都會同小巴司機互相講『早晨』。落車時會講『唔該』、『唔使客氣』。」
