更新時間：14:37 2025-04-19
發佈時間：14:37 2025-04-19
發佈時間：14:37 2025-04-19
張彥博於《奪命提示》中飾演的「頭盔男殺手」凌烈、及莊易羚飾演「狙擊殺手女」韓楓的角色都非常搶鏡，更即時成為熱搜榜頭幾位，在網絡上更引發熱討，張彥博（Bob）以強勢重量級奸角登場的姿態，亦吸引了網民廣泛關注，有網民更封他為「奪命版鏗少」，奸角能力值原來可以咁勁。
一身黑氣兼駕上墨鏡登場的張彥博，配以狡黠又帶著卑視的笑容，以及皺出奸味的眼眉，成功一洗一貫的乖仔、書卷味及斯文形象，為壞人與警方鬥智鬥力場口增添不少張力。其實為了給予觀眾煥然一新的感覺，張彥博自言下了不少苦功，他於短短2個月左右激減8公斤（約17-18磅），並不停曬燈甚至「油黑」自己。
張彥博狂照鏡練習猙獰奸笑
張彥博接受傳媒訪問時，就笑言由於角色大部分時間「笠到實」，有時只能以嘴巴及眉毛做戲，：「冇晒眼神做戲係我第一次，所以只能靠個嘴同埋動作去完成成件事，其實好大難度。不過監製Jazz好好，佢教咗我幾個動作，連笑容都有tune我，又教我個大方向係要恥笑同挑釁多啲對手，畀好多意見我，真係好感謝佢。」張彥博又指拍攝前還有不斷研究如何令自己變得更猙獰及樣衰。
拍畢《金宵》後 以天生白髮示人
另外，不少網友大讚張彥博於劇中的白髮殺手造型超酷，張彥博就笑言原來這是他的天生髮色，自中學時開始已有白髮，多年來都是keep住染黑才打造出之前的Image：「呢個（白）髮色係我由《金宵》之後開始留出嚟，嗰時我覺得公司係好錫我嘅，大部分可以啱我做嘅角色都畀我做過晒，只係我嘅外形限制咗好多可能性，所以我想有啲改變，我就將自己天生嘅髮色留番出嚟，嗰時都唔知效果係點。但有一日我喺canteen見到Jazz，之後就有咗呢個角色，收到劇本嗰時真係超興奮。」可能就是因為這個決心轉變，造就了凌烈這個角色。
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
即睇：黃詠詩出身破地獄家族 見盡動人靈異故事 分享殯儀冷知識
最Hit
