更新時間：20:00 2025-02-08
發佈時間：20:00 2025-02-08
發佈時間：20:00 2025-02-08
行運，並非新正頭期間限定，誰不想日日行好運？今年其中一套賀歲片《麻雀女王追男仔》的女主角之一高海寧，可算是人海中的幸運兒。入行17年來，星運順遂，名利雙收，原來她連攻打四方城，也是Lucky的化身。她自爆學識打牌冇幾耐，就好快食到一鋪自摸十三么，真是行運一條龍！農曆新年最大樂趣是瞓覺和食嘢，仲要完全唔戒口乜都啱，最多做多啲運動Keep Fit。
疫情幫人戥腳學識打牌
高海寧說：「細個因為婆婆唔鍾意人打牌，所以本來我對麻雀係零認知嘅，直到近兩年有段時期唔出得埠，我就開始幫人戥腳。我只係學打廣東牌，同埋係冇技術可言，因為顧住自己副牌已經好忙！不過，我好叻㗎，學識打牌冇幾耐，就好快食到一鋪自摸十三么！所以𠵱家打牌，我都同啲腳講，我係好好運嘅，哈哈！」
包場請公公婆婆睇戲
行運的高海寧，內裏還有一顆善心，去年成立慈善機構「Team Samm」行善，隨着新作上映，在賀歲片《麻雀女王追男仔》中，她飾演一個打牌高手，於是她決定包場請睇戲，「平時我係請啲公公婆婆去食飯嘅，今次就請佢哋睇戲，過一個開心嘅農曆年！」
賀年食品乜都啱唔戒口
新年新氣象，高海寧坦言仍忠於自己的兩大樂趣：「就係瞓覺同食嘢！但有時拍嘢好忙，連瞓覺嘅時間都冇，咁我就喺食呢方面補番數！所以新年我係完全唔戒口，年糕、蘿蔔糕，仲有其他賀年食品我都啱，最多做番運動Keep fit㗎啫。」
延伸內容：高海寧請教陳靜打麻雀
延伸內容：高海寧親見吞拿魚頭解剖嚇親
最Hit
