發佈時間：15:43 2024-11-30
由C君、高海寧（高Ling）和陸浩明（6號）主持的旅遊節目《Grand住去大阪》，今集帶大家入住京都文化勝地的鷹峯山奢華度假村，賞紅葉、睇靚景。之後還會介紹3間非常駕勢的餐廳，人均消費絕對唔平。今次陸浩明因食到人生Top 3好味的牛，還即興揮刀，嚇到高海寧要喝止他；C君仲食神上身話：「食唔番點算！」他笑言冇相熟人介紹，根本搵唔到這餐廳，真係識人好過識字！
延伸內容：Grand住去大阪︱高海寧碌落坑笑爆 C君狠稱陸浩明為垃圾人
延伸內容：今晚首播丨《Grand住去大阪》C君向陸浩明施壓催婚 高海寧親見吞拿魚頭解剖嚇親
延伸內容：麻雀女王追男仔︱ 首條預告片登場 高海寧馬國明夠新鮮 笑彈李尚正三角關係搶Fo
欣賞紅葉好地方
鷹峯山的奢華度假村的酒店設計概念，採用江戶時期藝術家本阿彌光悅的藝術村為靈感打造，能與鷹峯山融為一體；一晚費用約2萬港元的Roku套房，佔地千呎、擁有落地大玻璃，能飽覽京都深山和庭園美景，秋天欣賞紅葉絕對一流！
陸浩明揮刀嚇親高海寧
而今集介紹的3間餐廳都非常駕勢，先講人均約2,754港元的鐵板燒餐，除了食盡鯛魚界最頂級的甘鯛松笠燒和日本龍蝦配日式高湯汁；當食到約1,530港元的神戶牛菲力牛扒時，陸浩明直言是「人生Top 3好味的牛」，再次招來C君狂窒：「成日將啲嘢講到咁誇張！」揀了一把大刀切牛扒的陸浩明，為自己平反時不自覺揮刀，嚇到高海寧大叫：「你唔好拎把刀揈吓揈吓，好驚呀！」
豪歎廚師發辦晚餐
第2間不容錯過的Fine Dining，是國際知名奢華品牌開設的全球第1間高級餐廳，而本節目製作組更是全球第1間正式拍攝的電視台。餐廳以Hidden隱密式門面為設計，高海寧未入餐廳已被「神秘入口」吸引：「連入門口都係Surprise！」由於餐廳採用介紹制兼預約制，陸浩明特意邀請了大阪「Grand界KOL Jason Lim任推薦人帶3人朝聖，以66,000日元（約3,370港元）豪歎廚師發辦晚餐。
C君食神上身講金句
3位主持不約而同大讚島根縣鰆魚配魚子醬最驚喜，「美女試食專員」高海寧解釋：「首先魚子醬嘅冰凍，加上魚嘅暖笠笠係雙重刺激，蕃薯嘅甜同魚子醬嘅鹹又係第2種層次，喺口入面交融，我究竟Taste邊樣先呢？好正，形容呢間餐廳係會詞窮㗎！」陸浩明則一如既往以誇張手法形容：「升仙嘅感覺！」C君亦「食神」上身大嘆：「食唔番點算！呢間餐廳印證識人好過識字。」
史上最快奪米芝蓮三星餐廳
驚喜陸續有嚟，跟住TVB再以海外首間電視台進行採訪的身份，介紹連續7年及史上最快奪得米芝蓮三星的餐廳。3位主持品嘗以人與大自然共生為主題的「與地球對話」套餐。各種新鮮海鮮配以超精緻伴碟，還有以100多種蔬菜及貝類製成的湯，猶如一間可以進食的美術館。
另外，高海寧和陸浩明還去了寶塚市3大正宗溫泉酒店之一浸溫泉，最大賣點絕對是鋪滿400朵玫瑰花的女性專用露天溫泉，玫瑰芳香配合氯化鈉冷礦泉的治療功效，難怪高海寧急不及待「落水」享受一下！
《東周網》訪談系列節目《星桄伴我心》11月重磅嘉賓：
即睇：黎諾懿夫婦互爆閨房樂事 慶結婚10周年 | 星桄伴我心
即睇：林保怡失落《金雞獎》影帝 送花冧李珊珊 激罕親揭秘密關係 | 星桄伴我心
即睇：星桄伴我心 | 周吉佩牀前唱歌送別：「爸爸聽到眼角滴淚，先至斷氣！」
即睇：星桄伴我心 | 梁敏巧哭訴阿媽爛賭輸層樓 悲慘身世揭秘
