更新時間：10:29 2023-08-27
發佈時間：10:29 2023-08-27
發佈時間：10:29 2023-08-27
2014年前港姐馬賽捲入艷舞風波，爆出與內地製片人汪子琦同性戀情，二人一同歐遊並被拍得於上海攬啜，馬賽被指介入汪子琦與富婆Laura婚姻中做「小三」，令她形象插水即被無綫雪藏，最終返回內地發展。
現長居北京的馬賽日前快閃返港，日前她應《東周刊》副社長BilIy(黄庭桄)邀請接受直播獨家訪問，期間重提9年前嘅黑歷史。
馬賽於訪問中， 回憶舊事，她坦言自己當年處理未成熟，智慧唔夠，唔應該俾情緒掩蓋件事，但當時覺得自己好委屈：「之後去咗英國遊學遇上前輩古天樂，連佢都問我『點解會喊？』而藝員科高層樂易玲就送嘉玲姐(劉嘉玲)危機兩個字俾我，佢話『危機危機，有危有機。』其實當時我視為危，冇把握好個機，經此一役係個好大嘅成長課題，人生好神奇，更感恩當日留喺我身邊嘅每個人。」
改名馬菀迎有運行
另外，馬賽自2015年拍完《東坡家事》後，正式離開了TVB，於2019年她在微博上貼上結婚証書，之後亦誕下女兒，以為她會慢慢淡出娛樂圈，但她早年出席青春科幻劇《火星孤兒》開鏡拜神儀式時，原名「司馬賽兒」的她又改名，在另一套劇集《海洋之城》的宣傳照中，名字為「馬菀迎」，或許馬賽是想以「馬菀迎」新名字重新出發，闖出另一片天。就多次改名一事，馬賽就話：「早幾年，我學習姓名學，計計下就覺得馬菀迎比馬賽好，不過我冇正式改，只係喺社交網站度用，大家叫我做馬賽或者馬菀迎都沒有問題。」
開心面對 「馬賽對波圖」
至於網友經常提及的「馬賽對波圖」，少少咸多多趣的稱呼，馬賽就笑言：「其實我冇所謂，亦唔介意，只要大家開心就可以了。」
最Hit
