更新時間：19:11 2026-01-02
發佈時間：19:11 2026-01-02
發佈時間：19:11 2026-01-02
真係好消息，而且係奇蹟。大埔宏福苑5級火後一個月，愛協在災場附近放置的捕貓籠及攝影機再次發現貓蹤，並於聖誕日及元旦日有貓成功進入捕貓籠內，確定是宏福苑失蹤貓，主人已經到愛協接回貓貓，一家團聚了！
捕貓籠+攝錄機救獲貓貓
今日傍晚愛協在面書發帖宣布好消息：
「聖誕前夕，我哋終於獲得批准，可以喺宏仁閣擺放少量捕貓籠同埋攝錄機。聖誕節當日，真係有生還嘅貓貓入咗籠！我哋即時將送咗去愛協中心檢查，貓貓身體冇大問題，好健康～ 最開心係，主人已經嚟接返佢返屋企啦！🎄💖
去到2026年嘅第一日，我哋又成功捕到多一隻貓。呢隻貓依家都仲未定驚，但係主人都已經黎到預備接佢返屋企啦。
警方依家批准我哋可以喺下星期喺其餘五座大廈擺放捕貓籠。希望可以繼續搵到更多仍然失蹤嘅貓貓。我哋會繼續努力，希望再帶多啲好消息俾大家！❤️」
於11月26日發生的大埔宏福苑五級火，焚毁無數家庭的幸福，亦有不少動物失蹤、離世。災難期間亦突顯人性光輝，不少動物團體獨立義工到場協助，為寵物住戶登記並將資料交予消防員及愛護動物協會，當有寵物被救出時第一時間放上社交網站有戶主認領。
另有不同界別的動物義工，包括龜途邦哥哥在現場即時處理獲救的龜龜，並將龜龜帶回宿舍暫時照顧。
宏福苑火災中至今發現動物517隻，生還的有366隻，離世的151隻。
小黑仔和豬仔與主人團聚
之前在火災第8日奇蹟救出的貓貓，亦於上月出院回家與主人過年。火災發生後第8日，搜救隊喺重重瓦礫之中，成功救出兩隻堅強生還嘅貓貓——小黑仔和豬仔！牠們在愛協灣仔中心醫院接受治療，之後回到主人懷抱。
愛協亦將善心市民捐出的寵物用品送給豬仔主人，希望在這艱難時期，為他們帶來少少溫暖及支援。
豬仔主人說，火災之後日日在屋苑附近尋找，以為豬仔走出大廈逃生，原來牠一直躲在屋企電視櫃後面，直到第8日才被搜救隊發現！
最Hit
