發佈時間：17:09 2025-08-20
動物義工永遠有救不完的傷病動物。已經有十幾隻貓貓要住院治療的小玉谷，日前又再救了幾隻垂死的貓咪。其中一隻是胎死腹中的浪浪母貓，被人發現時已經躺在草叢兼下身淌血，如果不是小玉谷谷主見到求助帖文兼立即出動，母貓可能血流不止死亡。
小玉谷在8月17日的帖文說：
「尋日講嗰單嚴重Case，竟然無人肯接😢，已經過左一日，血淋淋都冇人肯接手🥺 我真係冇辦法睇住佢流哂血咁都冇人理😭」
血淋淋待救貓是佐敦弼街舊樓簷篷上面的浪浪，因為十分親人，餵養人曾經在社交網站出過帖文希望有人可以帶牠入室領養，然而帖文沒有回應。
三個月前這隻母貓生了一胎，最近又懷孕。餵貓人在數日前發現牠不願進食，，8月16日更發現牠下體嚴重流血，於是發求救帖希望有義工可以幫忙帶牠見獸醫。
無法見死不救 頂硬上
小玉谷谷主見到帖文後，初時以為母貓子宮蓄膿爆裂，但由於已經有十多隻留院動物在燒錢中，所以沒辦法接手，請求助人盡快手聯絡其他義工。
然而24小時過去，仍然未有人接手救援，最後求助人將淌血垂死母貓放在街市檔口度。谷主心想已經每個月都欠獸醫診所幾廿萬醫療費，但無法見死不救，最後都是出動接走貓貓，臨時為牠改名「阿囡」。
「今早見佢屙左啲死胎出來，算不幸中大幸但都仲係流緊血，怕佢仲有死胎在肚內失血過多，所以我即刻call架車請人帶佢去診所先🤦🏻♀️
🙇🏻♀️超級感謝新界北動物醫療中心肯幫忙接收🙏🏻🙏🏻🙏🏻 暫時未排到阿囡睇症，但起碼已經喺診所入面有醫護人員，行過路過都望到佢情況，有乜依郁都唔怕🙏🏻
醫生幫佢做檢查驗血，照X光＆超聲波，X光見唔到有bb骨頭，但超聲波就見到仲有3個死胎在肚內😔(已沒有心跳)
仍然流緊血未止到，有黄疸、脫水、血小板低、血鈣低、輕微貧血，膽胰指數高，整體虛弱....」
望支援醫療費
「因為阿囡身體狀況都虛弱唔穩定，所以醫生唔敢同佢開刀，暫時會吊住水先，再補鈣補其他營養，落止血藥，如果晏啲佢既情況許可就會幫佢打支催生針，盡量希望佢自己可以盡快將死胎排出唔使開刀...」
翌日在獸醫判斷下成功為母貓進行切除子宮手術。「阿囡手術成功🎉 醒左後仲好精靈添🥰
總共有兩個死胎喺肚內(一個喺臨手術前痾左出來)，除左傷口比平常大少少之外，其他暫時正常。終於安心了」
在此數日間，小玉谷再接手救援了幾隻可憐小貓，醫療費負擔又再加重，如想了解小玉谷的救援個案細節及支援醫療費用，可以以下連結瀏覽：
小玉谷 粉嶺某村浪貓療養院+托兒所
