發佈時間：18:07 2024-12-13
方俊既是歌手又是「靚聲王」張偉文的經理人，他去年曾參加《全國網絡歌手大賽》和《中年好聲2》。昔日他做過多瓣工作，包括擔任時裝設計師，以及經營花店和皮草店等生意，可惜早前因疫情關係，影響消費模式，門市零售業首當其衝，前年他已結束在太子營運了10年的花店，現時只剩下尖沙咀的皮草店。日前，HOY TV邀請玄學家雲文子到他的皮草店拍攝賀年節目，講吓生意經之餘，又師傅更提點他應如何擺設風水陣，以催旺生意。
延伸內容：方俊乘勢追擊4月開處男個唱關顧視障人士 獲恩師「靚聲王」張偉文點頭應承撐場
延伸內容：方俊 贏獎執花店
方俊親自留守皮草店坐陣
正所謂力不到不為財，方俊除了要外出表演搵錢外，其餘時間都會留守皮草店坐陣。他每天都會定時返店舖打點，由執貨、搬貨、替人形公仔換衫、分配員工工作、收錢和埋數等，全程一腳踢，從不假手於人，相當落力。雖然是皮草店，但他於店舖門口還加設不少富香港特色的紀念品、中式擺設、十二生肖風水掛飾和毛公仔等，種類多元化，而價錢亦大眾化。他指產品吸睛，能吸引不少中外遊客入內光顧，當中以香港景點的磁石貼和購物袋，最受歡迎。
加香港特色紀念品賣吸客
對於在逆市下做門市生意，方俊坦言是充滿挑戰，他解釋：「我做咗皮草生意幾十年，以前好景時賺錢好容易，當時啲顧客一得閒就入嚟買皮草着。但隨住網上購物興起，加上經濟差，實體店係難做咗，有時都好有壓力，我見好多同行倒閉或轉行，我為咗求存，見呢區係旅遊區，咪不斷諗啲新橋，例如加啲紀念品放門口賣，吸引啲客入嚟買嘢，傾吓講吓又一日，等多啲客人嚟睇產品。」以增加他們的購買意欲。
雲文子風水建議催旺生意
今時今日做老闆唔係咁容易，方俊指生意唔蝕本便會繼續做，幸有業主共度時艱，在疫情期間主動減租，讓他可以繼續經營，他續說：「好感激業主呢份情誼，我有同佢講，將來生意好啲，我會畀番之前啲租金佢。早排雲文子師傅嚟睇過風水，我都會聽佢建議，擺番啲風水物品嚟催旺生意。新一年將至，我希望大家都身體健康！賺多啲錢！」
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
即睇：「黑妹」李麗霞2段婚姻3次患癌「我其實係一個軟弱女人！」｜星桄伴我心
