更新時間：12:00 2025-08-09
發佈時間：12:00 2025-08-09
發佈時間：12:00 2025-08-09
出名是錫狗之人的夫妻郭偉亮（Eric）和葉佩雯（Grace），於過去的19年，飼養過兩隻白威Toro和Nana及一隻史納莎犬Ah Jun，可惜牠們先後離世。當中的Toro尤其對Grace打擊最大，Eric透露：「呢方面我睇得好開，亦冇想過不再養狗，不過Grace傷得好重，因為Toro同佢好親近。Toro走咗之後，Grace抑鬱咗一年，所以嗰段時間我一直喺佢嘅身邊，留意住佢嘅情緒。其實最好嘅治療方法，就係再養一隻新狗，『菠蘿』嚟咗之後，將Grace以前治療唔到嘅傷痛全部都治癒。」
郭偉亮帶愛犬去日本旅行
今年初，兩公婆就帶「菠蘿」兩度飛到日本旅遊，他們還在社交網分享了不少和愛犬在雪地暢玩的開心照片，並且拍了許多短片，Eric表示：「所有狗主嘅夢想就係帶隻狗去旅行，因為唔放心擺喺其他人度，要自己睇住隻狗先安心。」
「菠蘿」八卦爬出車窗眼望望
日前，東姑在大坑發現Eric帶住「菠蘿」去醫肚，怎料當日人多、車多，他找不到泊車位之餘，又不想排隊等位，最後決定買外賣回家吃。期間，「菠蘿」見到食客在餐廳門外排隊，於是爬到車窗位東張西望，八卦一番；而食客看見如此可愛的狗，亦不禁對牠望多兩眼。等了15分鐘，Eric終於拿到外賣，接着踩油絕麈而去。
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
最Hit
