更新時間：20:04 2025-04-16
發佈時間：20:04 2025-04-16
發佈時間：20:04 2025-04-16
陳柏宇（Jason）2017年與模特兒兼演員符曉薇（Leanne）拉埋天窗，婚後誕下兩女兒，一家四口非常溫馨。不過在符曉薇的社交網中，東姑就發現她原來對老公有不少怨言，曾大呻乜都唔要嫁給他，但老公卻不懂得珍惜自己。最近又因為她不肯丟東西，搞到衣櫃冇位放衫，兩人又有爭拗。日前東姑在尖沙咀巧遇符曉薇和大女陳羿辰（Abigail），見她們拎住一袋二袋戰利品，未知回家時陳柏宇會否詐型、兩公婆又開拖呢？
符曉薇對陳柏宇有怨言
符曉薇對老公的怨言，譬如：「我乜都唔要就嫁俾你，冇求婚、冇禮金、冇過大禮⋯⋯仲將自己嘅金器俾晒你賣。因為我一路覺得你值得，值得我乜都唔要，淨係要你！我以為你都係咁，係會珍惜我⋯⋯」提到老公陳柏宇不珍惜自己，符曉薇坦言有一刻想離開，但最後還是作罷：「過咗就算。希望之後就算唔稱讚，都唔好踩到一文不值⋯⋯」
兩公婆開拖似是情趣
最近，兩公婆又有爭拗，陳柏宇公開數老婆不肯丟東西，衣櫃根本不能放下衣服，符曉薇聞言即怒火中燒：「你唔好將我同你比呀！你唔需要咁多衫，係因為你做嘢有衫，同埋你平時出街成嚿垃圾咁，我唔可以成嚿垃圾咁！」看到老婆以「垃圾」形容自己，食飯中的陳柏宇都忍唔住笑，這或許就是他們夫妻之間的情趣。
符曉薇與大女行街掃貨
日前，東姑在尖沙咀巧遇符曉薇，她帶住大女Abigail與女友人逛街。當時細細粒的她，孭住一個等於她三分一高度的環保袋，估計裏面有很多戰利品；而囡囡亦有幫手拿着一大袋寵物食糧，兩母女似是剛剛去了掃貨。未知老婆拿着這麼多戰利品回家，陳柏宇會否又詐型？兩公婆又再開拖呢？
延伸內容：陳柏宇 人生每步都難 愈難愈要挑戰自己 要進步就係咁
延伸內容：陳柏宇個唱回勇表現風騷 親吻細女Audrey閃爆全場
延伸內容：陳柏宇節目《陳伯挑你機》玩體能 保錡、嘉盈等爭奪一萬蚊
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
最Hit
