更新時間：21:39 2024-03-09
發佈時間：21:39 2024-03-09
發佈時間：21:39 2024-03-09
「打波先嚟落雨！唔通連個天都唔鍾意我？」這個2001年的社會福利署的宣傳片，帶出「生命滿希望，前路由我創」的正能量訊息。片中抱怨因落雨冇波打，最後話：「其實落雨又有乜好怕喎！」的「四眼仔」，在23年後的今天，真的落雨也不怕、落雪也不怕，因搖身一變，成為超級爆肌筋肉人，super！
「四眼仔」的健美近照網上洗版式瘋傳，又成為網民熱話的目標，網民指他的身形比以前更完美：「真係筋肉分明！」、「大隻到咁，唔只落雨，落咩都唔怕！」、「好想知當日勸佢嘅隊友點！」、「連個天都怕咗佢！」
原名是鄭仲軒（Eric）的「四眼仔」，是香港首位古典健美職業運動員，橫掃多個健美比賽獎項，先後贏得「2016 HKBPSF Man Sport Model男子健體冠軍」和「奧林匹克業餘賽事香港站男子健體冠軍」；2020年取得「Global Classic IFBB PRO 健美職業資格賽全場總冠軍」。現時為健身教練、在中環開設健身室的Eric，完美演繹「前路由我創」，為操出完美線條，嚴控飲食，基本上飯局免問，三餐都是DIY！
Eric早年曾接受東周刊訪問，指小時因身形瘦削，故玩票性質參加健身想「練大隻」，直至當了健身教練，才開始沉迷健美運動：「健美同健身唔同，健身如跑步、遊水、舉鐵，人人都做到，但健美要求高好多，除咗肉量脂肪要夠低，又講究肌肉分離度、對唔對稱，比例又要靚，甫士要擺得好。」
踏足健身室是玩票性質，當初拍「四眼仔」也一樣，Eric說當年拍攝時是14歲：「阿媽知我鍾意踢波，有日問我：『想唔想賺錢買遊戲機？』話去踢吓波就買到。去到球場，發現原來係拍廣告，之後阿媽代收酬勞，買咗部Play Staion俾我。」
最Hit
