發佈時間：20:11 2025-05-01
相隔25年謝霆鋒在香港舉行第二個個人演唱會，日前在啟德主場館連開4場《Evolution Nic Live謝霆鋒進化演唱會》，全城名人明星雲集朝聖，不單謝霆鋒女友王菲親身應援支持high跳全場，就連謝霆鋒一對寶貝仔Lucas及Quintus也睇足兩場。一票難求，有港女人妻大吐苦水，指老公原來暗暗地購得門票，但她竟然冇份睇，即有大批網民熱議，力勸人妻要離婚！
老公同朋友睇謝霆鋒？
港女人妻在FB專頁「十萬個惡頂老公的惡行」中發文，自稱「嬲咗個死佬2日」，因老公事前無提及成功買到謝霆鋒演唱會的門票，即至開騷當日才知：「嬲咗個死佬2日，佢同我講24號唔返嚟食飯，因為去睇演唱會，X佢個街，買到飛唔話我知，同朋友睇都唔問我去唔去，唔食飯先講。」
聲稱嬲了「死佬」兩日的港女人妻，更連環狂數對方三宗罪，坦言「真係好憎佢！」：「依家一齊都冇意思，勁嬲！生日飯冇、聖誕消失、除夕夜發脾氣消失，真係好憎佢！」
網民：佢當你透明！
雖然港女人妻未有詳細說明以上三宗罪的詳細因由，但發文不久即獲大批網民熱議，紛紛稱替港女人妻不值，更以「黐X線」來形容外，更懷疑有人「孔雀開屏」，是跟小三去睇騷。
同時不少網民認為港女人妻應早走早着，離婚過單身生活才是真正的「活着VIVA」！網民狠批「死佬」人夫只當人妻是搵錢及洩慾的「工具人」，無論生日或重要節日都未有陪伴慶祝，行為過份，根本未有放太太在眼內！
網民留言
‧「真心黐X線！同朋友去？兩個男人睇演唱會漏低老婆？真心冇仔女嘅早離着！」
‧「似孔雀開屏，冇當過你老婆，當多個partner分擔開支，有生理需要搵你解嗰時先當係老婆，單身好過。」
‧「擺明有第二個啦！唔係咁都睇唔到嘛？」
‧「自己約朋友搵節目囉，冇老公又唔使死，活得開心先至最緊要！自己喺到嬲折磨自己，佢一樣活着VIVA！」
‧「重要日子唔喺到一定有問題！」
‧「只係嬲兩日？佢心裏面仲有冇你？」
‧ 「你咁好恰，唔恰你恰邊個？我都當你透明啦！憎佢有咩用？還自己自由，搵另一個真係錫自己啦！」
‧ 「第一次就已經要開佢波啦！你太就佢嘞！」
‧ 「離婚啦！仲等咩？完全冇尊重，當你透明！」
‧「愛一個人唔會係咁，佢根本冇理你感受，呢啲日子都可以消失，清醒啲啦！」
延伸閱讀：穿搭筆記︱王菲Quiet Luxury甜蜜應援 極簡clutch bag來頭蓋Hermès？謝霆鋒戴Tiffany HardWear增搖滾氣場！
