更新時間：18:00 2023-11-29
發佈時間：18:00 2023-11-29
發佈時間：18:00 2023-11-29
「旅遊達人」項明生（James）早前偕譚玉瑛姐姐等捐助人一齊參加由「智行基金」舉辦的五日四夜東莞慈善行，帶領內地一班受愛滋病影響的學生到當地的華大集團和手機品牌華為總部參觀，擴闊視野。他相信知識可改變命運，希望學生們努力讀書賺錢改善自己的生活。而最後一日學生們都要攞喺佢哋眼中只有30幾歲嘅大哥哥James電話，當James表示做得佢哋爺爺時個個都O晒嘴。
做基因測試
遊歷世界多個國家的James，原來是首次到東莞，他說：「仲以為好落後，點知咁先進，第一次認識到華大國家基因庫，因為職員講解華大對基因研究尤其係老人痴呆嘅基因有好卓越嘅成就，我家長輩都有老人痴呆病史，所以我都有興趣做呢個測試，用基因去了解自己可能發生嘅病。」
項明生首次參觀華大集團，令他大開眼界。
遊「歐洲小鎮」
而參觀華為總部時更帶他到了歐洲，因為公司環境設計成歐洲小鎮包括法國區、德國區、瑞士區和意大利區等，他續稱：「啲古堡入面全部係好現代化嘅office，喺咁舒服嘅環境工作，唔怪得可以設計咁多手機啦！」之後遊覽了具清朝古老特色的東莞可園，以及到當地著名的順德𠮩嚨館食廣東菜，「呢間啲燒鵝皮脆肉嫩，而海鮮整得特別好，炒蝦好鮮，蒸魚滑到不得了。」
華為總部設計成法國區靚景，項明生也讚口不絕。
這次慈善行包括學生和捐助人有近60人參加，玩得盡興。
日本慈善行
經過幾日的相處，James與學生們建立了好好的關係，他笑言：「臨走時個個都抄我牌，最好笑係我話我嘅年紀做得佢哋爺爺時，佢哋唔信，要攞我回鄉證睇，因為佢哋以為我只係30幾歲。」他坦言愛參加這些旅行團，皆因幫到人自己又可以去觀光，嚟緊打算籌備一個去日本看櫻花的慈善行，因為今年年初搞過都有不俗的反應。
項明生（右一）在該基金活動認識譚玉瑛姐姐（左五），參觀可園時合照留念。
順德𠮩嚨館的蒸魚非同凡響，到當地必要品嚐。
最Hit
