發佈時間：19:08 2024-04-24
母親節，同媽媽食乜好？出街食飯，又要排又要等，8點半就要last order？同媽媽安在家中撐枱腳，叫外賣都一樣有高質美食！堅信號和戶戶送強強聯手，為母親節呈獻「鮑魚雞髀肉小籠包」，小編透過戶戶送，率先即叫即試食！
請預備紙巾
人靠衣裝，小籠包都有包裝！離遠睇，見戶戶送哥哥咁elegant拎住個白色「包包」，一副鐵漢柔情，行近睇，原來戶戶送為這款母親節限定的「鮑魚雞髀肉小籠包」，把平時所用的外賣紙袋，特別設計成「外賣包包」，有誠意！
好睇，係咪好食先？咪住！食之前當然要打卡先！「鮑魚雞髀肉小籠包」的外皮，都幾醒神吸睛，原來用芝士粉把外皮染成橙色。拎上手，聚手！充份感覺到足料又足秤！
食咗先講！一咬入魂！溫馨提示，唔想母親節流流令媽媽激氣省鑊甘，請享用「鮑魚雞髀肉小籠包」前，預備張紙巾，因為一咬真係堅爆汁！脹卜卜的小籠包超足料，啖啖都是鮮甜飽魚粒及嫩滑雞脾肉，越食越想食，大胃小編強烈建議，叫16個裝，先至過足癮！「鮑」你有驚喜，有包食，又有「包包」送埋，阿媽今天應該很高興！（戶戶送平台售價： 2個 $28 / 4個 $53 / 16個 $170）
譚仔出招！
除了堅信號，戶戶送更跟不同食府合作，包括譚仔雲南米線、元氣壽司、芝樂坊、千両、美心皇宮及北京樓等，限定母親節套餐及優惠送不停！譚仔雲南米線期間限定的「鮮人蔘湯米線」，於5月10日起強勢回歸，今次有全新配搭鵪鶉蛋、雞卷、鮮淮山配鮮人蔘湯米線，湯底以養生滋補的鮮人蔘熬成，啖啖人蔘甘香，加上營養豐富的鵪鶉蛋和爽脆的鮮淮山，以及蟲草花、杞子等材料，絕對健康養生，為母親補元氣！
想食壽司？5月4日至12日，千両推出母親節限定壽司拼盤，可以同媽媽盡享45件極致魚鮮！5月2日至22日，在元氣壽司下單選購「母之日特選壽司盛」，一次過享受18款人氣壽司包括大拖羅、吞拿魚、炙燒黑松露帆立貝、赤海蝦及3款特選刺身包括三文魚腩、帆立貝和赤海蝦。另外，美心西餅由即日至5月5日推出88折母親節蛋糕早鳥預訂優惠，可於URBAN Bakery，PAPER STONE及Homebake訂購母親節主題蛋糕，sweet！
外賣自取6折優惠
母親節同媽媽行完街，外賣自取有優惠！戶戶送推出全新限時優惠，由即日起至5月12日在戶戶送平台指定餐廳下單並選擇外賣自取，即可獲得高達6折優惠。每周精選餐廳不同，即日起至4月28日的指定餐廳包括：譚仔雲南米線、PHD、牛奶冰室、意樂餐廳、天仁茗茶、Outback Steakhouse、餃掂手工餃子雲吞專門店、媽咪雞蛋仔及居食屋「和民」等。
即按圖片，即睇戶戶送有咩母親節美食！
