發佈時間：10:59 2023-07-20
疫情放寬後，好多朋友已經四出旅遊，但暫時未抽到時間外遊，又好想食些異國美食的你，就要緊隨識飲識食的 Wendy、 Beatrice，同埋愛影食物愛影相的Derekque 就組成〈We。Be去咗邊〉好食團隊，同大家揾好嘢食，而首集就帶大家去到CaN LaH食新派星馬菜。
能在CaN LaH食出新加坡人情味，都因為有來自新加坡的名廚張偉忠(忠哥)坐陣，忠哥來港已經有四年多，烹調新加坡菜式超過三十年經歷，他一直堅持用新加坡原材料，誓要將新加坡的風味帶給香港人。〈We。Be去咗邊〉更有幸試到CaN LaH非一般皇牌菜式，想試新嘢的朋友一定要留意 :
酥炸眼涙蝦棗
新鮮蝦肉混合豬肉、馬蹄及其他香料，再手剁成蝦棗炸至香口，百分百古早風味。食時記得沾上帶桔仔味的醬料，提鮮之餘，更添幾分食慾；必定是大人和小朋友的至愛。
原隻蟹湯米粉
喜歡海鮮的你，〈We。Be去咗邊〉更加要推介呢個濕濕的湯米粉，唔講唔知，湯底原來是用上20多斤的紅花蟹和老雞，經8小時的熬製，可想而知呢個湯底幾咁鮮甜，加上啖啖蟹肉和滑捋捋的米粉，一定會令你一碗接一碗。
煎加露燒烤原條鮮魷
煎加露是新加城和馬來西亞當地土產，類似我地香港的蝦醬，有機會去開旅游，可以考慮買返幾支送比喜歡烹調的朋友，你一定被讚識嘢。而CaN LaH 的煎加露是加上其他香料配製的改良版；原條鮮魷由北海道空運到港，厚肉唔韌彈牙，以燒烤手法去烹調，配上鹹鹹鮮鮮嘅煎加露，真係Perfect Match。
順帶一提，CaN LaH的蘸醬，更是忠哥堅持每晚下班后用人手磨製，確實滴滴皆辛苦，每滴酱汁必令食客一滴入魂。
原個雪燕香芒椰子盅
愛甜品愛養顏的你，飯後甜品，點少得這個雪燕十足，充满東南亞風味的原個雪燕香芒椰子盅，雪燕養顏，加上又滑又香，開動前，緊記相機先食！
當然除了以上推介外，還有不少令人驚喜的菜式，吃貨們，開動吧！一起來探索舌尖上的新加坡！
CaN LaH
尖沙咀廣東道3-27號海港城港威商場4樓4101號舖
飲食專員： Wendy、 Beatrice
攝影師：Derekque
