發佈時間：21:39 2023-09-25
中秋月餅五花八門，口味層出不窮，要揀一盒食得招積，兼設計包裝出色，送給摰愛親朋，夠體面又夠fun，真的不容易！以下五大推介，無論口味、設計包裝等，CP值高，就算有選擇困難症，完全滿足不同要求，即check！
金記冰室月餅 掀集體回憶
人月團圓話當年，齋睇個盒，已經夠晒話題！禮盒上的「熱狗巴士」，完全掀起我們的集體回憶，那些年一家大細坐「熱狗巴士」，涼風送爽睇街景，真的笑聲笑聲滿載溫馨，記憶猶新！金記冰室推出的四款月餅組合，各有不同顏色的懷舊「熱狗巴士」設計，月餅盒更可當作紙巾盒來用，夠環保，而路線牌「金記冰室1967」更有夜光功能！（幸福共賞月餅濃茶套裝 $198（早鳥價）/ $288 （零售價）
松谷Choco Bakery 月餅盒變包包？
月餅盒都可以變手袋，完全啱晒至愛的她她她！禮盒主色是高貴優雅的橙色，再配上一條絲巾，優雅度更爆燈！正所謂「食燈籠，玩月餅」，直徑達15cm的月球設計裝置，超有玩味，完全一次過滿足「食燈籠玩月餅」的慾望，安在家中一樣可以另類賞月！（Choco Bakery月球包包月餅 $428）
一個不榴Souled Out 馬拉直送滿足榴槤控！
如你身為榴槤粉絲，一定聽過「榴槤中的愛馬仕」貓山王，同時一定知道黑刺榴槤同樣滋味得人氣強勁！馬來西亞大熱品牌「一個不榴Souled Out」，推出「原味貓山王榴槤冰皮月餅」及「竹炭黑刺榴槤冰皮月餅」，榴槤來自100%自然樹上熟榴槤，以「瓜熟蒂落」純天然方式採摘，零防腐劑及色素。「液氮速凍」技術，確保由馬來西亞運來香港，月餅保持榴槤的頂級鮮味！（貓山王榴槤冰皮月餅（原味）6個裝 $328）
凱悅尚萃酒店x利強記 翻Loop街頭小食經典！
「格仔餅」和「雞蛋仔」完全是香港街頭小食的代表，香港維港凱悅尚萃酒店和北角著名美食店「利強記雞蛋仔」合作，推出以傳統街頭小食「雞蛋仔」及「格仔餅」作靈感的月餅口味，演繹香港經典，而月餅禮盒由本地藝術家 Leon Lollipop 設計，以生動的繪畫呈現中秋的象徵：明月和兔仔。另一特別，是獨立包裝的雞蛋仔口味月餅，是依利強記雞蛋仔的原創食譜，隨盒的煉乳和花生醬，可立即變身經典格仔餅味。（凱悅尚萃酒店x利強記月餅 $268 （6個裝））
Royal Caviar Club 魚子醬超「營」超貴氣！
3年前Royal Caviar Club皇籽滙推出全球首創的「魚子醬」月餅大受歡迎，今年和法式糕餅大師Gael Majchrzak研發全新的「魚子醬月餅」，集4款經典口味：意大利黑松露、北海道芝士蛋糕、義大利草莓及馬達加斯加雲呢拿。食材夠高級奢華，更夠健康！每件月餅只有161卡路里，而採用的Imperial Ossetra魚子醬，蘊含豐富Omega-3脂肪酸、硒、多種礦物質和維生素，有助加強免疫系統及甲狀腺健康等，食得有「營」！（Royal Caviar Club皇籽滙魚子醬月餅 $580 （4件裝））
