更新時間：15:12 2025-02-04
發佈時間：15:12 2025-02-04
發佈時間：15:12 2025-02-04
由王晶及葉念琛領軍；高海寧、馬國明、陳家樂、陳靜、李尚正、許紹雄、林盛斌（BOB）、「最強Body」郭珮文和「新一代魯芬」張錦霞霞姐等主演的蛇年賀歲片《麻雀女王追男仔》現正上映。前日導演葉念琛率領高海寧和馬國明出席一連幾場的電影謝票活動，在場粉絲高舉支持牌和應援物品，齊心祝賀偶像票房大賣。3位更相當「寵粉」，於戲院大堂跟觀眾逐一合照，以致人龍逼爆戲院，場面墟冚！
繼續謝票齊互動
對於觀眾反應熱烈，3位大表興奮，更感謝他們捧場。葉念琛說：「好開心，觀眾反應好好，佢哋好唔捨得我哋走，希望反應好啲，我哋繼續謝票。」高海寧笑指：「我覺得佢哋好熱情呀，頭先一入戲院佢哋就係咁歡呼歡迎我哋，我覺得可以多啲謝票，等我哋可以多啲互動，同埋可以同觀眾『恭喜發財』吖嘛！」至於男主角馬國明續說：「最開心係見到佢哋睇得好開心，感受到電影喺新年帶到歡樂畀大家，所以好有滿足感！」
麻雀問題考觀眾
其實高海寧當日早上才由美國工作返港，甫落機即加入謝票活動，相當有心。而導演葉念琛當日更提早到場，視察觀眾反應，他透露：「大家睇到笑位好開心，至於感動位又感動到大家，賀歲片最緊要將歡樂同感動帶畀觀眾！」而導演與兩位演員更設計了一些超高難度的麻雀問題，即席考驗觀眾，導演笑言：「佢哋都答到呀，好犀利，其實我都答唔到！」高海寧及馬國明隨即呼籲觀眾繼續入場支持，馬國明更預告：「希望再揀多啲場次嚟謝票啦！」談到蛇年新年願望，3人一條心從電影出發：「希望更多人入場支持《麻雀女王追男仔》，希望票房大賣，越高越好！」
延伸內容：麻雀女王追男仔︱ 全新爆笑預告 高海寧陳靜霞姐帶真愛見家長
延伸內容：麻雀女王追男仔︱ 首條預告片登場 高海寧馬國明夠新鮮 笑彈李尚正三角關係搶Fo
最Hit
