發佈時間：12:41 2025-01-26
現年28歲的無綫小花羅毓儀，天生嬌小兼一副童顏，自2022年演出劇集《下流上車族》成功上位後，之後更在《神耆小子》升呢為女一。可惜事業得意，愛情卻失意，去年3月她宣布與拍拖4年的男友分手，但在新劇《卧底嬌娃》（前名︰《特勤女團》），她與吳子冲、涂毓麟及鍾柔美陷4角戀。
日前，她與吳子冲及涂毓麟在石硤尾拍外景，她與身高187厘米的吳子冲有感情戲，但兩人高度足足有31厘米的差距，所以她不惜全程企在一個木箱上，拉近雙距離以便傳情。現場所見，他們表現得好肉緊，不知會否過電？甚至戲假情真呢？
點名力捧
2022年，羅毓儀靠《下流上車族》的「車蔓蔓」一角脫穎而出，還入圍當年的「飛躍進步女藝員」最後10強。縱使她一副童顏兼僅156厘米高，但無礙她的星途，就連無綫高層樂易玲也點名栽培，成為力捧的「8大花旦」之一。
出道5年，上位神速的羅毓儀，在去年5月播出的《神耆小子》中，已「升呢」做女主角；同時又劇接劇，在《愛•回家之開心速遞》和《巾幗梟雄之懸崖》都有份演出。隨着事業大躍進，感情則出問題，去年3月，她宣布跟拍拖4年的YouTuber Mike分手，並坦言︰「真係價值觀差距太大，入咗行之後，我都轉變咗好多。」
緊急營救
現實中甩拖的羅毓儀，在新劇《卧底嬌娃》中的感情則多姿多采，跟吳子冲、涂毓麟及鍾柔美陷4角戀。據悉，羅毓儀在劇中飾演卧底，為執行任務，聯同陳瀅和張曦雯組成女團，藉此接近目標人物查案。
日前，羅毓儀、吳子冲、涂毓麟、黃子恆、劉嘉淇、姚宏遠、林浩文等，現身石硤尾一公園拍攝外景。當日的劇情，講述飾演反派的吳子冲，跟卧底羅毓儀談情期間，突然情緒激動，女方上前安撫時，他竟拎出手槍威嚇對方。而警員涂毓麟、黃子恆、劉嘉淇等隨即趕來營救。
不想拍拖
當中，涂毓麟同樣對羅毓儀有好感，情敵同場，分外眼紅，馬上撲過去制服吳子冲。現場所見，男模出身的吳子冲，高度達187厘米，跟細細粒的羅毓儀，足足差31厘米。雖然她已着上厚底波鞋，但效果仍未如理想，最終還要企在一個木箱上拍攝，以拉近雙方身高距離。見他們演出時十分肉緊，不知會否過電？甚至戲假情真呢？
只是回復單身的羅毓儀，坦言暫時不想拍拖︰「如果我𠵱家拍拖，大家開始咗，然後我同對方講，我要開工唔得閒，你話幾唔負責任呢，咁樣傷到人哋係作孽嚟㗎！我好想話俾大家聽，我入嚟娛樂圈，係想喺呢個圈有作為，攞啲成就。」在《萬千星輝頒獎典禮2024》中，她成功躋身10強，事業穩步上揚！
延伸內容：巾幗4 | 羅毓儀堅Baby Face 曬12歲童年照 同28歲冇乜分別
《東周刊》最新一期提早1月25日出版！隨書附送《蛇年行運東勝》
千呼萬喚的《蛇年行運東勝》於1月25日隆重登場，雲集全港9大玄學名家！隨最新第1118期《東周刊》附贈，於便利店、各大報攤發售，記得去買返本睇吓蛇年如何行大運啦！
《東周網》訪談系列節目《星桄伴我心》1月重磅嘉賓：
即睇：獨家質詢馬清鏗「小三」五索“我係賤人，但我住山頂，你唔恨得咁多！”
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
