發佈時間：16:32 2024-11-06
《巾幗梟雄之懸崖》於昨晚（11月5日）劇情講述鄧老太（呂珊飾）跳樓自殺，七爺（胡定欣飾）鎖定鄧桂平/林茂財（蕭正楠飾）是真兇，遂僱用殺手集團對付桂平，幸柴十七（黎耀祥飾）及時出手阻止悲劇。之後七爺與十七尋求懂「讀心術」的風水師傅金老師（莫偉文飾），由於十七的亡父柴民意（杜燕歌飾）是金老師恩人，金老師向二人表明真身後，向二人說出桂平/茂財破綻，豈料因而招致殺身之禍，七爺及十七更遭桂平/茂財活埋。昨晚一集，蕭正楠角色人設大暴走，不但舉止瘋狂、殺人唔眨眼、而且全程陰險表情多多，時而得戚、時而憤怒、時而狠毒，表情暴走、相當入戲，難怪獲網民大讚帥氣兼有追看性。
延伸內容 : 上位神速壓力爆煲 羅毓儀獨家剖白狂喊半小時
延伸內容 : 《呃錢》肥仔自信Set目標 30日內要追到「東張女神」梁敏巧
延伸內容 : 《巾幗4》今晚首播｜激減20磅蕭正楠 倒吊做Sit Up晒肌 繼續奸？
蕭正楠親自拆解三個角色箇中玄機
問到蕭正楠《巾幗4》是否其入行以來最多表情一部，他笑言：「其實我都係跟住劇本對白角色去發揮，因為林茂財嘅恨好複雜，又想好快殺死對方、但係又唔想俾對方死得太快，因為每次七爺受苦佢都好享受。而我拍嗰時都真係有啲享受，因為其實演壞人係可以好放同好多發揮。」
昨晚林茂財曾提及三個分身的三大可能性，其中一個可能性是三個蕭正楠都是同一人，但由於林茂財全程故弄玄虛，令不少觀眾更感好奇，對此蕭正楠因應要求大派貼士謂：「其實張宣傳海報已經話咗個答案俾大家聽，究竟呢三個人係邊個；同埋可以細心留意吓對白。」為了分飾三角，蕭正楠坦言開劇前較辛苦：「因為想三個人物嘅性格分明啲，所以每個都度咗啲小動作同特色。」
羅毓儀堅Baby Face 內地工作人員誤以為12歲
至於以Baby Face見稱現年28歲的羅毓儀（Yuki），昨晚其中一個劇情講述她淚眼汪汪地向十七盡訴心中情，場口所見，喊至雙眼通紅的羅毓儀、落淚時眼仔碌碌、嘴扁扁相當可愛，難怪贏得網民心心眼。
值得留意的是，於內地拍《巾幗4》時被內地工作人員誤會只有12歲的羅毓儀，日前在社交網大晒上周節目巡禮靚相時，被發現瘦了不少，對此羅毓儀i坦言自開拍新劇《臥底嬌娃》後體重急跌五至七磅，皆因和張曦雯和陳瀅（Jeanie）合作很大壓力：「要企喺Kelly同Jeanie隔籬喎，好大壓力嘅，佢哋兩個又高又瘦，塊面仲要勁尖，我真係唔敢食嘢。」
羅毓儀曬童年照 12歲同28歲冇乜分別
笑言自己擔心到幾乎要斷食的羅毓儀，又大爆邵美琪及關禮傑等前輩因太「好客」令她更加難做：「但係Maggie姐同傑哥成日萬歲消夜，然後Kelly同Jeanie都會萬歲，叫我情何以堪，係咪想引死我，所以我唔係成日忍到口，哈哈。」另外，羅毓儀又應要求提供12、13歲時的童年照，照片所見，12、13歲的羅毓儀樣子與現在幾乎沒有甚麼差別，只是當年沒有現在這麼有少女感。
