發佈時間：21:30 2025-01-16
由著名教育學專家陳美齡博士發起、全港中小學生中文寫作比賽「我為甚麼喜歡這一本書」，第二屆於今日啟動，旨在促進學生培養閱讀和寫作的興趣。陳美齡表示閱讀對孩子非常重要，只要他們搵到自己喜歡的書，不用「威迫」也會主動閱讀，她更透露3個兒子由BB開始就讀故事給他們聽，至2歲他們已能搵到自己喜愛的書，她強調只要小朋友不抗拒文字，對學習絕對是個優勢。
第二屆是關鍵要更努力
首屆「我為甚麼喜歡這一本書」去年舉行時，反應熱烈，今年比賽繼續以此為題，希望鼓勵學生在書海中尋找一本啟發他們的書，並以寫作方式表達對這書的熱愛和感想。陳美齡稱第二屆是個關鍵：「因為第一屆比較新鮮，受到多啲人注目，所以第二屆真係要努力，爭取多啲人參賽，感恩今日嘅啟動禮得到咁多Sponsor同團體嚟支持，我覺得大家真係好熱心，令到我對呢屆比賽非常有信心。」
第1招：BB時開始陪同閱讀
問陳美齡令孩子喜歡閱讀的貼士時，她笑言：「我記得喺醫院生完後返到屋企、當囝囝仲係BB時，已經瞓喺床上同佢哋一齊睇書、讀故事畀佢哋聽，起初以為佢哋唔明白，又唔知講乜嘢，點知當佢哋手仔識郁時，佢會催我，叫我快啲揭書，到佢哋識講嘢時，我發覺有啲書佢哋已經背得出，可見佢哋好早吸收到閱讀嘅樂趣，令佢通過閱讀學到好多嘢。」
第2招：讓小朋友找到喜愛的書
陳美齡繼續教路，之後要搵到小朋友鍾意看的書，「好多時我哋諗住搵啲最好嘅作品畀佢哋睇，但可能佢哋冇興趣就唔係咁鍾意，好似我3個仔咁，到2歲佢哋已搵到自己鍾意嘅書，我大仔鍾意睇《甚麼是鳥兒？》或《甚麼是地球？》，佢唔鍾意睇故仔書，我都由得佢，因為佢睇嗰啲書可以吸收知識，又可以睇好多文字；我第二個仔就鍾意睇神話，真係好有興趣，到𠵱家都鍾意睇；第三個仔就乜書都鍾意睇。」
第3招：不抗拒文字再介紹其他書
她強調小朋友有興趣的書，他們才會繼續閱讀，就算你不「威迫」他都會主動去睇。她還有一個小建議：「當佢哋對文字冇抗拒，你就可以介紹其他書畀佢哋睇；同埋當佢睇文字覺得好容易、好輕鬆時，第時學嘢或返學都會有優勢。」
比賽共選出100位得獎者
是次比賽對象為全港中小學生，賽事組別分為：初小組（小一至小三）、高小組（小四至小六）、初中組（中一至中三）及高中組（中四至中六），每組選出1名冠軍、4名優秀獎及20名良好獎，總共100 位得獎者。
現接受投稿至3月中截止
比賽由即日起接受投稿，至2025年3月19日截止。賽事結果將於5月下旬在「我為甚麼喜歡這一本書」官網及「一本讀書會」各社交平台公佈，並與7月下旬舉行頒獎典禮。比賽詳情及投稿方式請瀏覽「我為甚麼喜歡這一本書」專頁：https://hkwhyilovethisbook.com/。
今年多目標願一一達成
提到陳美齡今年的目標，她除了希望比賽能舉辧成功，她亦將於2月28日至3月1日與香港管弦樂團合作舉行兩場演唱會，屆時還有香港兒童合唱團一齊演出，她希望父母可帶小朋友一齊欣賞。至於出書方面，她今年會在內地推出一本給大人看的繪本，內容有32個故事，主要是幫助父母學習與小朋友溝通，例如當父母有地方做錯了，點樣可以改善呢？
另外她還有一個新Project：「我𠵱家開始做直播，有啲課程會喺直播賣，好似最近做咗套遊戲卡牌，都係幫助親子溝通。」陳美齡表示有咁多計劃，都是希望帶給小朋友更多幸福時光，令他們成長過程更快樂，亦希望父母用更有效的方法教導小朋友。
《東周網》獨家「質詢」馬清鏗「小三」五索，足本訪談內容將於本周五上線，快啲Bookmark 《星桄伴我心》Page喇！
猛料預告 : 獨家質詢馬清鏗「小三」五索“我係賤人，但我住山頂，你唔恨得咁多！”
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
