發佈時間：15:03 2025-01-13
參加《2023年香港小姐競選》入行的陳曉彤（Cindy），現時為《東張西望》的主持，追訪娛樂、時事新聞。去年因在節目《獎門人》中，被麥美恩推一推錫了曾志偉一啖，令她驚喜又驚嚇。未來她希望可嘗試拍劇和拍電影，目標是以嘟姐鄭裕玲為目標。
鍾嘉欣師妹考過藝訓班
陳曉彤乃鍾嘉欣的同校師妹，擁有加拿大卑詩大學音樂碩士學歷。而主修鋼琴的她，已達演奏級的造詣。小時候的Cindy，除喜歡音樂外，亦對戲劇有濃厚興趣：「由細到大，除咗對音樂好有興趣之外，對戲劇都好有興趣，又參加過舞台劇。16歲嗰年曾面試藝員訓練班，不過當時太細個，所以入唔到，佢哋就建議我讀完書先。長大後，我讀晒書，想『重返』TVB，於是參選咗香港小姐。」
以嘟姐鄭裕玲為目標
雖然Cindy最終在10強止步，但仍獲無綫收歸旗下，並火速獲安排加入《東張西望》。擔任了一年《東張》外景主持，負責追訪娛樂新聞的她坦言：「做主持之餘，我亦想嘗試吓拍劇、拍電影，好想試唔同角色，將自己唔同嘅一面畀觀眾睇。又好想追訪時事新聞，譬如老鼠、曱甴嗰啲，都好想體驗吓，或者何生何太嗰啲，覺得好Funny。（怕唔怕曱甴？）我好怕呀！但我覺得如果幫到人，又多人睇，係一件好事嚟。」她表示以鄭裕玲（嘟姐）為目標：「因為嘟姐無論係主持、演戲、綜藝，各方面都好出色，真係好想向佢學習，希望將來可以好似佢咁叻。」
忽然錫曾志偉好驚嚇
去年4月，在採訪《獎門人》時，突然被獻吻的Cindy憶述：「當時訪問曾生（總經理曾志偉），因為嗰日佢生日，原本諗住叫獎老們送個Birthday Kiss畀佢，但係Mayanne（麥美恩）突然推咗我一吓，真係驚喜又驚嚇！明明係我訪問佢，變咗我送咗Birthday Kiss，第二日身邊同事、朋友係咁問我，真係好難忘！」
Profile
姓名：陳曉彤
英文名：Cindy
年齡：27歲
身高：166cm
體重：50kg
三圍：32" 25" 34"
入行：2022年參加《溫哥華華裔小姐競選》，翌年返港參選《香港小姐競選》，在10強止步，之後簽約無綫，獲安排加入《東張西望》，成為外景主持。
參與劇集：《法證先鋒VI：倖存者的救贖》
延伸內容： 萬千星輝頒獎典禮2024︱何沛珈慘變「TVB御用受害人」 被封「最佳女主持」黑馬
延伸內容： 《呃錢》肥仔誓言30日媾掂「東張女神」 獨家直擊梁敏巧被攔途求婚
延伸內容： 直擊羅天宇秘訪陳懿德香閨 情到濃時暗角「咿唈」
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
