發佈時間：12:00 2026-10-13
現年61歲的「TVB綠葉王」韋家雄，自1991年入行至今，參演的劇集多不勝數，並於2015年憑《梟雄》中「麥瀚林」 一角奪得「最佳男配角」。在無綫剛播畢的劇集《死有對証》中，他更演活「毒舌老油條」高級法醫的角色，兼夾金句連連，獲網民大讚展示教科書級的演技，更推舉他做今年的「視帝」。
向來務實的韋家雄，鏡頭前演技揮灑自如，私下則是「暖男老公」。日前，他接受電台的訪問完畢，便到超市掃貨，跟着急急腳趕回家跟老婆食晚飯，生活雖然平淡，但卻幸福到痺！
「毒舌」吸睛
1991年，修讀亞視藝員訓練班入行的韋家雄，4年後經「金牌監製」戚其義介紹轉投無綫；而隨着歲月的磨練，他將演技提升至爐火純青的境界，並於《萬千星輝頒獎典禮2015》中，憑《梟雄》的「麥瀚林」一角勇奪「最佳男配角」；而5年後，他更在劇集《木棘証人》中「升呢」成為「男二」。
近來，在熱播的《死有對証》中，韋家雄飾演高級法醫「林琛」，展現極具特色的「毒舌」演技，不單毫不留情地對下屬陳曉華狂爆金句，甚至狠批「學嘢你就返學啦」，以及嘲諷重案組「你係咪有面盲症」。不過，面對遺體時，他又能展現超凡的專業，憑藉這種口硬心軟的「反差萌」，吸引不少網民的讚賞！
「腐屍」難頂
韋家雄透露拍攝時都有不少辛酸：「啲內臟係真，現場越拍越臭，當中有一個好似肝臟，真係好臭，縱使戴咗膠手套，隻手摸完都係臭，嗰種臭法比垃圾站更臭，好似腐屍咁，但我又未聞過腐屍。事後，我都有用火酒洗咗好多次手。最熱嗰次，要去外景掘屍，要着防護衣、戴眼罩及口罩，笠晒頭，冚埋前面塊膠，好似拍潛水戲，吸一啖氣講一句對白，對白長啲都講唔晒，着衫前要吸一大啖氣，然後快着衫，嗰場係最難忘！」
由於演技出色，韋家雄獲網民留言讚賞：「演法醫簡直係教科書級別」，部分更直接將他封為「平民視帝」，並強烈要求官方今年必須給予「視帝」提名。日前，他聯同拍檔陳曉華到新城，接受薛家燕的訪問，對於觀眾和陳曉華都力推角逐「視帝」，他直言感謝：「觀眾已經頒咗畀我，演員最重要係不斷進步，不進步就會退步。」
「閃婚」再娶
提到近年影視製作量銳減，搵食是否變得艱難？韋家雄坦言是大環境的轉變，但也不忘自嘲：「都差唔多啦，一路以嚟我都艱難㗎啦，所以冇咩分別！」即使2015年奪得「最佳男配角」，他隨後的工作情況也一樣，「得獎後，生活與際遇並無太大改變，一切如常。」
走過人生大半截的韋家雄，先後經歷過，童年艱苦、短暫婚姻、做生意蝕錢欠債，難關不少，但他一一捱過，還在2018年迎來第二春，經友人李啟傑介紹，認識了年輕廿載的銀行之花Keynes，並且一拍即合，拍拖兩個月便「閃婚」。他珍惜的說︰「婚後的確係唔同，多咗一個人照顧自己，也多咗一個人分享喜怒哀樂。」
「暖男」老公
韋家雄主張男主外、女主內，故Keynes婚後做全職太太，照顧他和家中的兩隻狗；而為讓老婆住近外家，他更不惜由將軍澳搬到偏僻的掃管笏居住。當日完成訪問後，他便獨自到商場閒逛，一時到傢俬店試梳化，一時又到超市購物，最終在麵包店買了幾個麵包及兩大盒果汁便離開。雖然他曾自言為人「不浪漫」，但會製造驚喜，明顯是為太太搜羅心水美食和飲品。鏡頭前的「毒舌」法醫，私下卻是一個「暖男」老公。
延伸內容 : 死有對証│韋家雄演活「毒舌老油條」高級法醫 大爆拍攝辛酸 險中暑 解剖臭味難頂
延伸內容 : 死有對証｜黃嘉雯神級變臉 嚇窒觀眾 演技升呢成熱討！
延伸內容 :《死有對証》吳瑞庭入行近50年 瞓解剖枱有感覺 多靈異經歷
