發佈時間：08:50 2025-01-04
參選2016年港姐入行的蘇韻姿（Andrea），因參演處境劇《愛•回家之開心速遞》，憑「熊心如」一角成功入屋。但今年3月約滿後，她宣布與TVB結束8年賓主關係。回復自由身的她 工作不斷，先後在ViuTV和HOY TV出鏡，又會參演新劇《我愛九龍城》，以及首度踩入大銀幕，接拍其首部處女電影《麻雀女王追男仔》。
與拍檔阮偉倫曾一齊主持巴黎奧運的她，日前現身北角，再添食為HOY TV的新飲食節目《港式流行》拍攝外景。這個節目，主要在港捐窿捐罅尋覓不同的特色小店。在等候拍攝期間，只見兩人係咁吹水打牙骹，還笑到見牙唔見眼，氣氛好融洽吖！
延伸內容：離家之後 蘇韻姿
延伸內容：蘇韻姿哭訴：「我屋企本來好幸福！」 風流爸爸出軌 媽媽打4份工養大
踩多瓣持續曝光
現年31歲的蘇韻姿，因參演處境劇《愛•回家之開心速遞》而成功入屋，可是去年初卻突然流傳她的工作態度出現問題，於是慘被罰「雪藏」冇得「回家」。今年3月跟TVB約滿後，她便踩足多瓣，既擔任商演司儀，又參演音樂劇、舞台劇，還開班教小朋友唱英文歌。此外，無合約束縛的她，又以自由身走勻ViuTV和HOY TV，初嘗主持巴黎奧運、擔任玄學節目嘉賓，以及參演新劇《我愛九龍城》等，保持曝光率。
添食拍飲食節目
日前，Andrea聯同阮偉倫走訪北角一條文青街，為HOY TV拍攝新節目《港式流行》。這個節目，主要在港捐窿捐罅，尋覓不同的特色小店，讓觀眾看後可以按圖索驥，吃喝玩樂一番。由於兩人早前曾合作拍攝奧運特備節目，故默契十足。現場所見，他們聽從工作人員的講解後，隨即一起對稿，接着便正式埋位。等候拍攝時，兩人都有吹水打牙骹，還笑到見牙唔見眼，氣氛融洽。期間，兩人巧遇友台的「視后」江美儀，大家便趁機一起交流，他們更向前輩好好討教一下。
拍首部處女電影
離巢後，Andrea坦言多了機會，但收入則不願透露。她表示還獲得導演葉念琛的邀請，有機會參演蛇年賀歲片《麻雀女王追男仔》，拍攝其入行8年的首部處女電影，令她喜出望外︰「出嚟之後都好好彩，試咗唔同嘅工作，我都有努力㗎，好感恩。估唔到導演有留意我，佢通過社交網聯絡我，真係受寵若驚！今次不用試鏡，因為佢覺得個角色好適合我。我拍之前都好緊張，有向導演了解點演。」
表演失準唔開心
由於Andrea給予自己過大壓力，她坦言拍此時戲表演失準︰「嗰日同高Ling（高海寧）做對手戲時，因為自己狀態唔好，好唔開心呀！後來高Ling拉埋我一邊，教我慢慢深呼吸，令我最終做到。」她強調未來會增值自己學習演戲，同時還向幕前幕後同步發展，繼續挑戰自己。
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
