發佈時間：10:33 2026-09-21
王君馨公布再佗B女變大胃王 開心連續收政府生仔金
王君馨（Grace）自2016年與銀行家老公Daniel結婚，2021年離巢無綫轉型當獨立歌手，去年5月誕下女兒Audrey，今年7月宣布再次懷孕。三年抱兩的她，日前腹大便便現身孕婦補健品活動，並在現場篤波公開第二胎懷的是B女，成功為大女添一名妹妹。
Grace透露懷第二胎是意料之外，事前如常去玩、食醬油蟹等，直至生理期延遲，到醫生確認才得知。對於再次懷孕的身體狀態，她四肢依然纖瘦，狀態不俗，但坦言今孕肚比上一胎長得快。「今次個肚大得好快，差不多中途，但已經好似以前七個月咁大。上胎鍾意食甜嘢，今胎就好大胃口，鍾意食有味嘢，湯麵、炒飯、雪糕等，係長胎唔長肉，加上食啱補健品，去洗手間都冇問題。而今次佗B攰啲，因為要照顧埋大女，大女依家1歲多，好活躍，佢手腳協調，喜歡運動、踢波，要同佢放電。」
由於兩個女僅相隔1年，Grace指已向大女展開「特訓」。「我慢慢同佢講：『裏面有位BB，要輕輕咁掂佢；又特別買了個BB公仔畀佢練習餵奶、換尿片和推BB車，相信佢好識得照顧妹妹。」除了重心放在女兒上，她也不忘老公 Daniel 盡心盡力，刻意營造爸爸和大女的親子時間，「老公平日要返工，我發覺大女同爸爸關係有少少疏離。所以每個星期六我都安排佢哋父女約會，我又有啲私人時間。」
至於細女的名字，Grace指會交由公公和爺爺安排。她又指正從身邊閨蜜挑選，為細女搵契媽，「大女契媽係衛蘭（Janice），我同老公覺得Janice性格好好、衛詩有幫手做baby sister、淇淇（鍾舒淇）會買芝麻糖畀我食，所以我大女好多頭髮，Sherman（鍾舒漫）又煮嘢我食。佢哋都好好，未諗到。」細女預計明年出生，適逢今年政府奬勵生育的生仔金，由2萬加至3萬，她開心受惠︰「哈利路亞！ 我連續兩年都攞到！感謝主」。
延伸內容︰王君馨分享全家福 稱拍照時感覺很奇妙
延伸內容︰王君馨順利誕B女 母愛泛濫突然「轉軚」 歷十多小時自然分娩
說明︰
