發佈時間：11:00 2026-09-28
已故樂壇天后梅艷芳（阿梅）的母親覃美金（梅媽）早前於8月30日離世，其後梅媽在孫兒安排下低調舉行喪禮。毫不知情的長子梅啟明對於梅媽被火化，激動得斥責姪仔：「告佢謀殺！」當晚深夜，他聯同泰籍女友May May的陪同下接受訪問，他怒轟姪仔：「唔係人、冇良心！」並且越鬧越激動，引致身體不適，要call白車送院。
縱使梅媽已經火化，梅啟明繼續日日新鮮，除跟泰籍未婚妻May May到梅媽故居樓下路祭、又指要製作「AI梅媽」下葬等，無所不用其技對梅家遺產打主意，保持「遺產界KOL」的稱號。
否認「小三」
雖然人設備受爭議，但梅啟明卻話之你，身邊女人不斷，繼早年在美國有家室，回港後又跟馬來西亞籍的Joey結婚，因她看不過男方所作所為，終帶着兒子返家鄉生活。回歸做「冇腳雀仔」的梅啟明，現有紅顏知己恩恩和泰籍女友May May；他早於6年前阿梅生忌當日，已帶May May見傳媒要結婚，但始終離婚手續未搞好，May May至今未坐正。
人氣高企的梅啟明，連帶May May也令人關注。二人日前接受「鼎豐盛」頻道主持人洪仔和周永恆訪問，May May堅稱不是「小三」，「唔驚，知道佢離婚。唔關我事，冇見過佢前妻。聽佢講，佢哋都冇見5、6年，佢都冇返大馬，我只係識佢。」
同是破產
至於是否因他是梅艷芳哥哥，以為對方有錢而交往？她說：「佢冇咩畀錢我。佢破產，我識佢時最窮。反而Joey同佢嘅時候，最有錢。我冇貪念，佢破產，我同情佢，我都破產，互相同情。」二人的相戀經過，皆因曾是破產人士，她還透露當日是跟梅媽和梅啟明一同認識，「我哋三個一齊識，做朋友，同情佢，好似兩姐妹感覺，佢好似阿哥，我好似佢妹，佢冇咗我唔得。阿媽成日問May May過唔過嚟食飯？我咪收工過去。係阿媽鍾意我，我又鍾意佢，佢鍾意我；佢哋兩個鍾意我。（你哋三個攬埋一齊瞓？）阿媽當我係囡，我每個星期買一千蚊生果上去梅媽屋企。」
阿梅上身
May May指梅啟明第一日認識時，已坦認是梅艷芳的哥哥，但她毫不在意，「我唔特別鍾意明星。」問及是梅啟明追求她？她謂：「佢冇我唔得，佢等我收工食飯，煩到死。（但梅啟明話啲女人主動埋身。）係男人追女人，我咁靚。」對於昔日在阿梅生忌公開要跟May May結婚，梅啟明否認是搞「大龍鳳」，「佢好尊重阿梅，上寶蓮寺替阿梅抹嘢。阿梅仲上過佢身。」May May附和：「有夢到佢」。正所謂一隻手掌拍唔響，他們兩個真的是「天作之合」。
延伸內容︰梅啟明爆要製作「AI梅媽」下葬 周永恆聽到爆粗 現場突發「反枱」
延伸內容︰獨家專紡 梅媽忽然被火化 梅啟明怒轟姪仔：唔係人、冇良心！
延伸內容︰梅啟明斥解疑團︰財來有方 拋妻棄子 自辯「鐵人」 另直指「阿梅虧欠我」
延伸內容︰獨家｜姪仔突然火化梅媽｜梅啟明激到入院｜神智不清口噏噏：阿媽你快啲嚟，魔鬼燒你⋯⋯
