發佈時間：08:50 2025-01-05
在某些人眼中，麵包和愛情，只能二選一。但對於被封「最佳女朋友」的唐詩詠，麵包和愛情卻可以合而為一。
近年在日本不斷精進烘焙技術的她，找來日本麵包達人川島善行監修，和三位女友人合資，在銅鑼灣開設的日式麵包店上周開張，而早前試業短短一個月，更成為了當區最旺的人龍店。
雖然既要打理麵包店生意，又要兼顧演藝事業，曾情路坎坷的唐詩詠卻開心滿足，麵包更已變成了她的「另一半」，「我好鍾意食麵包，因為有種幸福感覺。而做麵包過程跟愛情一樣，太緊唔得，太鬆亦唔得，中間點都要有些空間感。我都學咗好耐，搓粉時大家要好好溝通，那一刻正正就係我最享受的me time。」 原來與麵包談戀愛更幸福。
延伸內容 : 唐詩詠孖型男現身樂園 Dry咗7年有新戀情?
延伸內容 : 因父母離異一度上天台自殺 唐詩詠被老麥打消念頭
延伸內容 : 喪母後唔再慶生 唐詩詠學佛頓悟人生
往日本精進技術
新店日日排長龍
麵包店自十月中開始試業，唐詩詠因經常穿上制服在店內打點，而成為生招牌。每日麵包出爐前，店外人龍總是由街頭排到街尾，其烘焙老師川島善行，每隔兩周更從日本來港監控品質。
對於麵包店短時間內成為人龍店，這天她接受《東周網》訪問時說：「真係冇諗過咁多人幫襯，絕對係意料之外！當初籌備時，都好驚啲麵包賣唔到，每日剩低嘅要拎去邊？」但試業結果卻令他們驚喜，因為每天三段出爐時間，都能於45分鐘內，全數沽清所有麵包，連其身邊的川島善行都忍唔住豎起手指公，用中文說：「勁呀！」
做老闆親力親為
由學造麵包，到落實開店做老闆，她笑言全因一個「試」字。兩年前她離開TVB後，先後到日本進修多個烘培課程，「有日上網見到日本有好多烘培課程，見平時都係去日本食買玩，未試過去學嘢，不如就報名試吓啦，點知一學就停唔到。一年多時間，斷斷續續學咗好多課程，有酥皮、吐司和歐包等，每次飛過去一星期，好有以前讀書時嘅感覺，每日由09-17都係不斷學習，完全冇時間去玩，而其中一個課程就係川島老師任教。
「課程最後一日，我和老師四出品嘗當地的麵包時，發現款式和味道都比香港多，我就問川島老師有沒有興趣來香港一起開店，誰知老師亦有興趣將其招牌吐司帶來香港，大家便一拍即合。我由細到大都鍾意食麵包，熱騰騰咬落去，好有一種幸福感覺，直至開店後，見好多人嚟食麵包，亦俾到我好大嘅滿足感。」
造麵包比喻愛情
轉型成為烘培師
由做演員到轉型成為烘培師，唐詩詠稱自己也有很大的轉變，「我本身是個冇乜耐性的人，同造麵包過程完全相反。最初學麵包時好痛苦，因為所有程序都要等，等發酵、等焗、等出爐。我份人好心急，但做麵包係唔急得，所以初學時經常會出錯，如搓粉時太大力，令粉團實得滯，唔夠空間發酵。亦因為成件事同我性格相反，所以造麵包後，就慢慢改善咗自己嘅缺點，過程亦令我可以好平靜，俾到自己有機會meditation（冥想沉思）。」
唐詩詠的生活節奏，亦因開店後，而變得作息定時，「現在晚上12時前便會上牀休息，翌日早上8時起身，做完運動食早餐後，便返舖頭，跟進製作工序和流程，因為要學習怎樣去營運一間麵包店，哪裏有機會出問題？有問題要如何解決？如果同事病咗請假，我就要頂替他的崗位，而我大多是造麵包出爐後的後期裝飾，和店面銷售工作。」
愛情跟造麵包一樣
目前仍是單身的她，更將造麵包比喻愛情，「愛情跟造麵包一樣，太緊唔得，太鬆又唔得，中間點都要有空間感，搓粉時要跟它產生關係。而整麵包時，就係我最享受嘅me time。」
她稱現在全心全意打理麵包店，感情生活暫且不談，問她感情狀況，和有沒有追求者？她堅定地說：「麵包！我要同麵包產生感情，追求者都係……麵包！老師話，唔能夠全心全意投入，係開唔到一間好的麵包舖，我和老師都相信，我們的麵包店肯定唔止一間。」
唐詩詠被封「最佳女朋友」經歷4段情情路坎坷
唐詩詠入行近二十年，雖然一度被封為「girlable」的「最佳女朋友」，可是情路一直坎坷，每段感情愛得深，但傷得更深，多段感情都未能開花結果。
1.余文樂 拍《青春＠Y2K》撻着
入行初期，唐詩詠與余文樂合作拍攝港台劇集《青春＠Y2K》而撻着，不過二人拍拖不久，有傳因為盧巧音的介入而令二人感情告終，戀情只維持一年。
2.崔建邦拍拖八年 經歷「五離四合」
2005年，唐詩詠與崔建邦合作節目《K-100》時互生情愫，不過二人拍拖期間，男方不斷跟其他女星傳出緋聞，二人於2006至2014年八年間經歷「五離四合」，女方終在2014年決定怒斬8年情。
3.洪永城 拍拖兩年終分手
2013年唐詩詠與洪永城合拍《載得有情人》而認識，至2015年洪永城公開示愛表示力追對方並成功，惜二人最後在2017年結束兩年多情。
4.陳思銘 強調大家係好朋友
2019年唐詩詠被拍得與同年賺過千萬，坐擁3億身家的「教育界王力宏」陳思銘於男方屯門寓所密會，惟二人一直未有承認戀情，只強調大家只是好朋友。
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
