發佈時間：17:34 2024-11-28
由旦哥鄭丹瑞、廖子妤（Fish）、盧慧敏（Amy）、馮允謙（Jay）和阿正黃正宜主演的電影《得寵先生》，今日（28日）正式公映，並於昨日（27日）在MCP新都城中心舉行首映活動。一眾演員與戲中有份演出的狗狗親臨現場，與影迷粉絲見面，分享拍攝的有趣心得和難忘事。由於昨日更是男主角旦哥69歲的正日生日，全場大合唱生日歌和送上蛋糕為他慶祝，旦哥即場許願，他表示最好的生日禮物是入場睇《得寵先生》支持他。
延伸內容：鄭丹瑞《得寵先生》謝票遇恩師 感動到爆喊
延伸內容：得寵先生︱ 鄭丹瑞激讚廖子妤120分超班演出 首次演戲馮允謙怕被嫌棄
延伸內容：新片介紹｜《得寵先生》(An Abandoned Team)
與細女一早慶祝
問旦哥正日生日都要開工，豈不能與同月同日生日的細女一齊慶祝？旦哥卻直言：「同一日生日，有好有唔好喇，佢細個就覺得開心嘅，大個咗好似今日咁，佢會開心啲，佢同我講︰『爹哋你有嘢做，咁我同男朋友去慶祝喇。』」旦哥續稱早幾日已經一起吃了生日飯慶祝。
最好的生日禮物
提到旦哥今年最好的生日禮物，他稱10年前當過TVB藝員訓練班的校長，想不到這班畢業生每年都會送禮物，又請他食飯，令他很開心，旦哥說︰「今年我話唔使送禮物，唔使請我食飯，每人去買飛睇《得寵先生》就得喇，睇完記得影番張相畀我知道，就當係我嘅生日禮物。」
廖子妤感謝旦哥
與旦哥在戲中飾演父女廖子妤，坦言一齊合作拍電影令她感覺夢幻，她說：「一直好渴望同爸爸有個好近嘅關係，但因為自己一直喺香港做嘢，所以好多謝旦哥喺拍攝時咁照顧我。」問她的爸爸與旦哥性格相似嗎？她直言：「唔似！我爸爸係好傳統，愛喺心裏面係好難開口講嗰種，但你可以從細微嘢知道佢係愛我嘅。」並感謝旦哥在片場觀察兼分析自己是個怎樣的人。
由尋死重回正軌
電影講述60歲臭脾氣的長者任春佳（鄭丹瑞飾）一直過着獨居生活，生無可戀的他決定上山尋死之時，幸好垂死一刻被流浪狗「燒腩」發現，引領動物義工鄧悅娜（盧慧敏飾）救他脫險。「燒腩」的靈性與令人窩心的舉動，令原本討厭狗狗的佳叔對流浪動物改觀，也與悅娜成為好友，並加入悅娜的動物中心當義工，幫助被遺棄的動物。悅娜亦幫助佳叔藉此解開與女兒任素儀（廖子妤飾）積壓了20多年的父女心結。正當佳叔以為人生將要重回正軌的時候，他所住的村莊突然發生數十隻流浪狗被毒殺的事件......
《東周網》訪談系列節目《星桄伴我心》11月重磅嘉賓：
即睇：黎諾懿夫婦互爆閨房樂事 慶結婚10周年 | 星桄伴我心
即睇：林保怡失落《金雞獎》影帝 送花冧李珊珊 激罕親揭秘密關係 | 星桄伴我心
即睇：星桄伴我心 | 周吉佩牀前唱歌送別：「爸爸聽到眼角滴淚，先至斷氣！」
