發佈時間：23:00 2024-11-21
日前TVB《中年好聲音3》香港區45強順利產生，作為節目開播以來最年輕的評審，「音樂女神」陳海兒（Hedy）亦在社交平台上總結感受。首次擔任流行曲音樂比賽評審的她，感覺新鮮，亦有很多得着，最好笑是瞌埋眼聽歌感受，被誤以為瞓着咗。而最震撼是遇到一位失去雙手的參賽者，海兒大讚他勇敢、正面又唱得好，令她也感恩自己能追尋音樂夢。
延伸內容：中年好聲音3｜音樂女神海兒竟然咁冧呢位參賽者 仲主動「示愛」
延伸內容：《中3》評審︱ 海兒為母校表演籌款 高歌一曲震撼人心 有小粉絲因她而讀唱歌
延伸內容：《中3》索女評審 陳海兒絕密艷照大搜刮
比賽前做足功課
原來這是海兒首次擔任流行曲音樂比賽的評審，她說：「之前有做過古典音樂比賽嘅評審，今次流行音樂加上少少綜藝元素係第一次。」由於古典音樂跟流行音樂大不同，所以海兒事前做足準備功夫，特別講究在專業用詞的中英文翻譯上，她續說：「因為自己學咗8年嘅Classical Singing都係用英文教學，好多關於歌唱技巧、用詞都只係用英文，所以上節目前，我會喺一啲重要嘅詞彙、常用字睇返中文詞語，唔想過分中英夾雜。」
重看《中年好聲音》
除此之外，她又重看《中年好聲音》和《中年好聲音2》，以及聽流行經典歌曲做足功課，她坦言：「自己模擬番個拍攝情況，到第一次聽完參賽者表演，即刻根據自己寫嘅Notes、搵出每個表演者做得好同可以改善嘅地方。」
瞌埋眼聽似瞓咗
首次拍攝選秀綜藝節目，她感覺好新鮮，亦有不少趣事發生，她笑言：「海選嘅時候要認真聽、分析參賽者嘅聲音，我會瞌埋對眼，因為我覺得瞌埋對眼可以Shut Off咗一啲感官，我嘅聽覺會敏感啲，所以我好多時都會瞌埋對眼聽。到中場休息時，我經理人走過嚟同我講，啱啱嚇死佢，因為佢見我瞌埋對眼以為我瞓咗，佢勁驚，滴晒汗，哈哈！點解我可以瞌埋眼咁耐？呢件事真係好好笑！」
見斷臂參賽者震撼
透過這次做評審，海兒自言有各方面的得着，當中更對一位失去雙手的參賽者，特別深刻的印象，她回憶道：「佢好勇敢咁企喺台上面，唱得非常之好、好震撼！最令我印象深刻嘅係佢超級正面，正當好多人為佢嘅遭遇感到傷心嘅時候，佢係非常之Positive，佢令我感受咗好多，特別係音樂、做人處世同埋面對難關方面，亦都係對大家一個好好嘅Inspiration。」
評審經驗學懂感恩
今次的評審經驗令她學懂感恩，她續稱：「自己由細到大學音樂，之後順理成章將音樂變成事業。其實幸福並非必然，好多人細個想學音樂，但冇機會或者冇人鼓勵，長大之後自己未必有信心、又或者冇時間，又可能係經濟問題，冇辦法實踐自己嘅夢想，所以我好珍惜每次上台表演、可以分享唱歌同分享我聲音嘅機會。」
給自己一個機會
同時她亦鼓勵大家不要放棄：「只要畀自己一個機會，表演不單止係一個展現自我嘅平台，更加係一段認識自己、接納自己，並影響身邊所有人嘅旅程，希望大家可以繼續唱歌，體驗更多，然後分享下去，加油！」
《東周網》訪談系列節目《星桄伴我心》11月重磅嘉賓：
即睇：黎諾懿夫婦互爆閨房樂事 慶結婚10周年 | 星桄伴我心
即睇：林保怡失落《金雞獎》影帝 送花冧李珊珊 激罕親揭秘密關係 | 星桄伴我心
即睇：爸爸床前唱歌送別 周吉佩：「佢眼角滴淚先斷氣！」 | 星桄伴我心
