發佈時間：17:56 2024-11-14
2024年新人張運兒（Yoona），日前現身尖沙咀GRANDMAMA Cafe擔任一日店長。過去未曾試過在餐廳打工的Yoona，在整個過程中都戰戰兢兢，除了落單、上菜和收錢外，又入廚房試整甜品和Cocktail，充滿新鮮感，難得有Fans現身支持，令她很感動。Yoona還在現場即席獻唱自己的作品，以及自彈自唱多首韓文歌，過了充實的一天！
延伸內容：許靖韻客串做店長 遇豪氣fans：「你簽幾多，我買幾多！」
延伸內容：陳伊霖憑靚聲封超強樂壇新人 與細貓傳緋聞被咒：快啲去死！ 自爆曾遇恐怖情人
店長一腳踢
當日Yoona要身兼多職，她分享道：「我喺樓面、小賣部同廚房都試咗唔同嘅崗位，仲試整咗Cocktail同甜品。我以前係未整過任何Cocktail，今次係第一次。」Yoona在學習製作清心蘋果批Cocktail時份外留心，對於一些小技巧，亦樂於多加嘗試，做起來有板有眼，得到Café老闆的嘉許。做完後，她興奮道：「原來當中有好多步驟，例如要用火槍燒肉桂條，提升Cocktail嘅煙燻味，最後裝飾部份亦要用多次火槍處理，成個過程好玩又神奇，我亦完成咗人生第一杯Cocktail，試飲之後覺得好好味！」
即席獻唱
除了擔任一日店長外，Yoona亦有在餐廳內獻唱，先唱出自己今年推出的兩首新歌《Hallucinate》及《What am I looking for》外，亦有自彈自唱莫文蔚《呼吸有害》和古巨基《愛得太遲》；能操流利韓文的她，也演繹了FIFTY FIFTY《Cupid》、NewJeans《Supernatural》及2NE1《Lonely》等作品，Yoona特別將歌曲重新編曲，為歌曲帶來不一樣的新鮮感。
近距離互動
Yoona演出過後說：「未做歌手之前都試過Busking，喺大學同旺角街頭演出，今次喺餐廳演唱嘅感覺又好唔同，因為有Fans同朋友特登過嚟聽，當中亦有啲Walk In嘅食客，好開心可以喺佢哋享受緊同朋友一齊食飯嘅時間，分享到我嘅音樂畀大家聽，有啲觀眾仲話好鍾意我揀嘅某幾首歌，聽完都好有共鳴，所以嗰一刻覺得好正，可以咁近距離同大家互動。」
首與粉絲見面
今次算是Yoona首次跟Fans見面，她笑言在這個場合相遇很有趣，她續說：「我可以用店長嘅身份Serve我嘅Fans，期間又可以同大家傾下偈、影下相。不過我幫手出菜時都有少少緊張，但大家超包容我，同埋咁近距離接觸Fans，完全Feel到佢哋好Support我嘅感覺。我唱歌嘅時候，大家又會靜心欣賞，有時又會畀Feedback我，所以今次嘅經歷真係好開心！」
