發佈時間：13:50 2024-11-09
一共兩集的旅遊節目《自駕德島》，由黎諾懿、陳懿德（德德）及郭珮文（Juliana）擔任主持，今晚（9日）播映最後一集。今集3位主持從祖谷出發、前往眾多戶外冒險者趨之若鶩的聖地—大步危和小步危，親親大自然之餘，也參與冒險活動挑戰膽量。期間德德和郭珮文換上比堅尼玩激流派福利，最好笑是半個「鬼妹仔」德德學人講爛Gag冇人識笑，而黎諾懿坦言終見識到女演員「甩嘢甩到冇晒」！
延伸內容：黎諾懿夫婦互爆閨房樂事 慶結婚10周年 | 星桄伴我心
延伸內容：郭珮文 貼地生活追蹤
陳懿德講爛Gag冇人識笑
繼上集遊覽位於東北端的鳴門市、被譽為「日本秘境」的西部祖谷地區，今次黎諾懿卸下「自駕達人」一職，換由猜輸包剪揼的德德擔任「柴可夫」做司機，他笑指郭珮文最醒目：「因為佢冇車牌，淨係做乘客，幾疏肝！」初中後遠赴英國升學的半個「鬼妹仔」德德，聞後表示不明白「疏肝」的意思，諾懿無奈解釋一輪指「舒服」、「佗佻（音：他條）」的意思。未幾，當黎諾懿講解「大步危」命名的由來，德德再爆爛Gag指可命名為「大步機」：「有危自有機嘛！」黎諾懿和郭珮文均零反應的Dead Air了數分鐘，場面十分爆笑！
黎諾懿見識女演員甩嘢
3位主持首站先體驗全長360米的森林高空飛索，德德再次猜輸成為「第一人」試玩，著陸時不但背面倒地，更玩到飛甩鞋，隔着熒光幕也感受到那股刺激！穿着貼身小背心的郭珮文，與黎諾懿玩包剪揼Battle猜輸，成為「第二人」玩飛索；自爆畏高的她邊行邊腳震震，但仍然勇敢挑戰。
之後，3人去到日本漂流聖地之一的吉野川挑戰激流，郭珮文和德德隨即換了比堅尼上衣Stand By，再次向觀眾派福利。挑戰激流期間，德德不斷高呼狂叫：「差啲心臟病發！」3人又體驗淋瀑布，以天然呆見稱、偶爾語出驚人的郭珮文形容：「好似失戀喺街度淋雨咁！」認真貼切。德德則玩到假眼睫毛都甩埋，並遭黎諾懿嘲笑：「終於見識到女演員，由第一站開始甩少少嘢、甩少少嘢，甩到最後冇晒嘢，佢真係為呢個節目犧牲咗好多！」
郭珮文親製禮物送曾生
消耗完咁多體力，3人當然要去食阿波牛醫肚。德島出產的牛肉比起東京、大阪等地性價比極高，約66港元便可大歎黑毛和牛牛肋肉、約197港元則可歎2件黑毛和牛菲力牛排，抵食度爆燈！其後，3人駕車50分鐘抵達德島版京都美馬市，郭珮文和德德穿和服坐人力車感受地道傳統的日式文化，還去了藍染工房，識趣的郭珮文親手製作獨特圖案的藍染T恤送給「曾生」。他們又到了德島近年的新地標Kurukura道之驛的美食廣場，盡歎每日限定10碗、2kg重的三層高魚生丼，有齊超過12款不同魚生，只盛惠5,800日元（約298港元），非常抵食！
