更新時間：19:52 2024-10-24
發佈時間：19:52 2024-10-24
發佈時間：19:52 2024-10-24
譚耀文、林家熙（Locker）、鄭浩南及應智越（細貓）等主演的最新港產電影《拼命三郎》，獲入選今屆香港亞洲電影節「香港製造」單元，日前更於電影節舉行「世界首映」，映後大獲觀眾掌聲和好評！
通宵拍打拳戲份
電影完場一刻，觀眾的掌聲不斷，譚耀文、Locker和細貓出席映後分享，被問到最深刻一幕，譚哥表示與Locker打拳那場最難忘，他說：「嗰場我帶住歉意去見Locker，仲同佢對打，已經拍通宵超過差唔多20小時；嗰場父子間需要嘅感情，同埋二人和解後嘅親匿表現，Locker同我又差不多高大，嗰種嚟個隔膜消除後嘅擁抱……大家為咗呢場戲都用咗好多時間去培養情緒。」
日夜狂操練大隻
而Locker映後則表示，看住《拼命三郎》突然想起自己也拼命了10年：「數一數我入行已經10年、拼搏咗10年，好感恩遇上呢個角色，呢套亦係我第一部主演嘅電影，好感謝大家嘅支持！」為了戲中的拳擊打鬥場面，Locker笑言一出世已準備好：「我本身好喜歡做運動，拍攝前期會每朝去練拳，練完拳就食健康餐，令身形再乾身啲，等自己睇起嚟更加似泰拳拳手；夜晚就做Gym同跑步。其實由接到呢個角色到開拍，我只有3星期時間準備，嗰時嘅生活令我回想都覺得自己係一個拳手。至於後期嘅動作拍攝，就靠我哋嘅動作指導German（張文傑）同整個動作團隊，我都非常感謝佢哋！」
首度大銀幕演出
首度在大銀幕演出的細貓，亦是首度欣賞整套電影，他表示非常感動，並說：「睇完好感動，本身我都係單親家庭，由媽媽湊大，所以戲中嘅父子情，真係令我有好多感受同超感動，多謝導演（陳大利）畀呢個機會我。」
最Hit
