發佈時間：19:10 2024-10-18
女團COLLAR成員蘇雅琳（Ivy So）昨日與皇馬名宿摩連迪斯（Fernando Morientes）及巴塞傳奇球星路爾斯．加西亞（Luis Garcia）一同出席傳奇球星表演賽系列記者會。最近迷上足球的Ivy，即席與兩位球星切磋球技，更獲摩連迪斯親自傳授控球技術，偷師成功！
12月香港對決
「LEGENDS ASSEMBLE傳奇球星表演賽系列—皇家馬德里球星／巴塞隆拿傳奇」，將於本年12月20日（星期五）假香港大球場舉行。屆時多位國際知名、曾效力西班牙甲組足球聯賽球會皇家馬德里和巴塞隆拿的傳奇球星將會來港，並於4萬名球迷眼前切磋球技。
與兩球星交流
昨日（17日）皇馬名宿摩連迪斯（Fernando Morientes）和巴塞傳奇球星路爾斯·加西亞（Luis Garcia）率先訪港，出席表演賽事發佈會，大會更特別邀請最近迷上足球的Ivy現身「朝聖」，即席與兩大球星交流一下。
獲贈簽名球衣
Ivy自早前擔任了歐洲國家盃大使後，便愛上了足球；除了入球場睇波撐香港足球，更成為前港隊隊長陳偉豪的學生，難得昨日有機會近距離接觸國際足球名宿，她大表興奮說：「我細細個已經聽過路爾斯·加西亞同摩連迪斯嘅名字，知道佢哋球技出眾，希望今日可以趁機向佢哋偷師啦！」
被讚基本功扎實
Ivy果然不負所望，於台上與兩位球星大玩「的波」，並獲對方稱讚她的基本功扎實。摩連迪斯和路爾斯·加西亞不但向Ivy即場教路，摩連迪斯更即席示範控球技巧，之後兩人更贈送簽名球衣給Ivy作見面禮。對於能獲得名師指導，Ivy笑言獲益良多，並表示屆時必會入場觀賞表演賽，以示支持。
停留猜波階段
事後問Ivy現時的球技如何？她透露：「同林家熙一齊踢波，愈嚟愈鍾意足球，而落場踢波時隊友仲錫住我、怕我受傷，因為我一年幾前拍劇整傷咗右膝，到𠵱家都未散瘀，所以目前仍停留喺猜波同操體能嘅階段，而我覺得袁澧林可以加入球隊真係好勁！」
路爾斯·加西亞為Ivy在球衣上簽名。
