更新時間：18:25 2026-11-14
發佈時間：18:25 2026-11-14
發佈時間：18:25 2026-11-14
童星出身的王書麒，自90年代開始經常到中國各地登台演出，收入和味，但原來吸金背後，遇過不少奇人奇事。近日，他和許秋怡作客HOY TV節目《九運會客室2》，大爆自己當年一次登台唱歌期間，被男觀眾公然伸手「揸住下體」，令他畢生難忘！
王書麒憶述當時情況：「嗰陣係聖誕節，我唱緊嗰陣，有一個男仔行埋嚟，一手捉住我下體。」節目主持Brian立即追問是否「春袋」？王書麒直認不諱：「係，揸住！一路都唔放手。我一邊唱，我嘅震音真係自然得不得了。」
伍詠薇笑到標眼水
面對突如其來的「襲擊」，王書麒坦言當時好無奈，只好一邊繼續唱歌應付現場觀眾，一邊向台下工作人員求救：「我望住佢哋嘅經理，佢哋嘅職員，求救，但我又要應付其他觀眾。」
聽完王書麒的慘事，另一主持伍詠薇笑到標眼水，要企起身用紙巾抹眼淚。伍姑娘更忍不住加把口重演當時畫面，笑指對方飲醉酒：「佢喺度『唔走呀』，你又要敬業樂業咁唱，之後震到海豚音都出埋！」王書麒無奈笑言：「因為我掙扎唔到，俾佢玩咗好耐，永世難忘！」
延伸內容：王書麒 許秋怡爆因「一件事」同居多年冇註冊 曾因拍掌摑戲致面癱
最Hit
