發佈時間：12:19 2026-09-30
由TVB唱跳節目《魔音女團》打造的全新女子組合MYNT，成員包括宋宛穎（Sabrina）、倪嘉雯（Carmen）、莊子璇（Hilary）、倪樂琳（Ellyn）、喬美莎（Chelsea）及盧映彤（Skylar）。繼上月推出首支快歌〈Turn My Magic On〉後，日前乘勢推出第二首新歌、《女神配對計劃2》插曲〈純粹好感〉，首度挑戰甜度爆燈的抒情慢歌。6女收起型格性感，改以純白仙氣及Gfable甜美造型示人。當中以Skylar的「尖面丸子頭」、Carmen於客廳地板伸懶腰大顯「A4腰」及傻笑，以及Ellyn與Hilary等人的居家與沙灘造型最為搶鏡，各自出招突圍！
三大主題場景
新歌MV分別於森林、Home Sweet Home及沙灘三大主題場景取景，6位成員各自與MV男主角上演枕頭大戰、煙韌入廚、耍花槍打機及沙灘漫步等甜蜜互動，完美演繹戀愛中不同層次的甜美感。
今次MV最大獨特之處，是男主角全程「未有露面」，製作團隊巧妙遮擋其正面，意外掀起網民競猜熱潮。談到拍攝難度，Carmen受訪時笑言重拍是經常發生的事：「最好笑嘅就係，同佢拍一啲互動嘢時，因為一定會拍到男主角嘅五官或者少少側面，make Sure觀眾認唔到佢，好多時都要重拍。」Hilary則笑言對她來說難度不算高：「難嘅位都喺晒男主角同拍攝團隊。因為佢哋要一直控制企位同角度，要避開鏡頭，唔好畀個樣入鏡。」二人更異口同聲爆料透露少許男主角貼士：「佢拍開劇」、「我哋都幾熟嘅」。至於理想男主角人選，宋宛穎曾笑言：「我哋嗰啲好天馬行空，我之前話要王嘉爾。」盧映彤亦興奮表示：「我就話要BTS（防彈少年團），啱啱好我哋咁多個成員！」不過宋宛穎隨即打趣道，搞不好最後會因為現實限制而變成「AI男主角」，令這位神秘男主角的身份更添話題性。
延伸內容︰「魔音女團」舞功升級！ YS韓國偶像學院KPOP舞師Geon親自指導
延伸內容︰《魔音女團》舞蹈老師Lenna T.大起底！3歲習舞 精通韓文 網民跪求「選港姐」！
