發佈時間：13:22 2026-05-16
楊千嬅主創的全新IP「Am'miri」全球首個限定快閃店，昨日（15日）清晨於深圳灣萬象城低調誕生。原定下午舉行的活動，因千嬅抵達深圳後發現大批歌迷與市民蜂擁圍觀，主辦方擔心人潮失控，臨時要求改至早上8時半開始。千嬅笑言：「結果我前一晚要凌晨5點半起身化妝整頭，真係生仔都冇咁早。不過當年自己生仔，都係一早入醫院準備，所以成個朝早都有種準備生個女嘅心情。」
與丁子高3年創「天使BB」
這位「囡囡」Am'miri，原來是老公丁子高的主意。千嬅透露：「成件事係丁生嘅idea，希望同大家分享生活理念，最後我哋一齊合作，搞咗3年先整到Am'miri出嚟，今日面世真係好開心。」這個擁有淡紫色頭髮、精靈耳朵與純白翅膀的天使BB，象徵每個人內心的小朋友，溫柔守護初心。千嬅表示：「希望Am'miri總會喺你最需要嘅時候出現，用溫柔治癒你。」
楊千嬅最愛「勇氣」特質
開幕活動中，楊千嬅分享了「囡囡」的5項情緒特質——陪伴、愛、接納、包容、勇氣，她個人特別鍾情「勇氣」：「心口最緊要有個『勇』字，跌都唔使怕。」談到最喜愛的公仔款式，千嬅近年迷上玩偶，笑說：「𠵱家多咗個親生女，如果可以出毛公仔，第日就可以攬住個女瞓覺。」
快閃店同步為演唱會熱身
昨日下午現場出現搶購人潮，有歌迷表示：「見到千嬅歌裏面一直存在嘅溫柔人格變成真嘅，特別開心，一定要擁有。」千嬅則回應：「其實冇諗過要做到個公仔幾勁、幾多人鍾意，只係想同歌迷朋友一齊開心分享。」今次快閃店免費入場，展期至5月27日，同步為楊千嬅於5月23至24日在深圳「春繭」體育館舉行的演唱會熱身。
延伸內容：楊千嬅演唱會｜發生故障後取消前段高空特技環節 楊千嬅尾場感觸落淚感不捨
延伸內容：楊千嬅演唱會｜第3場出現突發狀況 穿8吋高跟鞋楊千嬅奔走舞台 笑稱道具船拋錨 為遲開騷致歉
延伸內容：楊千嬅演唱會｜ 率先捐出二百萬幫助災民 千嬅哽咽：陪伴可以互相渡過最艱難時侯
