發佈時間：17:54 2026-04-07
日前，《中年好聲音4》傳出喜事，「搞笑擔當」的黃藝輝（阿輝）向「顏值擔當」的陶枳樽（Crz）求婚成功；而兩人公開的甜蜜告白，更加成為網上熱話。雖然由相識、拍拖到訂婚，時間不足一年，但Crz坦言相愛毋須用時間的長短來衡量：「以前都試過拍好長時間嘅拖，都可以分手，所以時間長短唔代表啲乜。我覺得阿輝份人好真誠，講得出做得到。」現時Crz滿眼都是未婚夫的優點，她笑言：「其實佢講句笑話，唔使買禮物，我已經好冧！」
錄音情緣
兩人在社交網公開甜蜜告白，阿輝透露，初次見面是因Crz借用他的工作室錄歌，就此揭開他們愛情故事的序幕，他深情地寫道：「她借來錄音，也借走了一整天的日光。溫柔、可愛、體貼——可我總在想，一個人要經歷過多少，才會把懂事修煉得這樣自然。」他又彷彿看穿Crz曾受過情傷：「她一定也很需要被疼錫吧。」這些話令不少網民為之動容，並為Crz找到窩心的真命天子而高興。
雖然Crz身為情感博主，但上一段感情卻讓她跌得很傷。6年前，她因拍攝電影版《尋秦記》，而邂逅同片的台日混血男星楊宇騰，她早前接受本刊訪問時坦言：「我從來都冇公開交代過呢段關係，因為真係太唔開心。嗰陣時，我同佢拍拖之後，由於疫情分隔兩地，佢一直講會同我結婚，婚期仲已經訂好咗。我哋每日都會有訊息互通，突然間有一日有個女仔發訊息俾我，話我騷擾佢男朋友，無啦啦我做咗第三者。」分手後，她還被男方的粉絲攻擊。
三觀一致
愛過、痛過、康復了的Crz表示，伴侶三觀一致最重要：「阿輝係台山人，我係香港人，大家都因為工作而離鄉別井留咗喺廣州。我哋成日傾偈，發覺諗法好似，兩個人都好想結婚、好想生小朋友。其後，因為《中4》呢個比賽成日見，接觸多咗，咪嘗試拍吓拖囉。結果，發現大家年紀都唔細，佢38歲、我36歲。好多人覺得我哋閃婚會好詫異，其實我哋係經過好深入嘅溝通，亦都好清醒知道自己做緊乜，先有呢個決定。」
阿輝除了外型之外，更因他經常詞不達意，還帶點無厘頭，而被媒體稱為「中4劉以達」。不過，Crz卻覺得，未婚夫其實是性格戇直，並且令她十分欣賞：「大家覺得佢講嘢好似外星人咁，好古怪，其實我就覺得好搞笑。有時，我好嬲嘅時候，會因為佢講嘅笑話突然間好開心！另外，佢係俾好多安全感我嘅人，我覺得兩個人相處，安全感唔少得，同埋佢講得出做得到，係以前嘅男友俾唔到我嘅。」
交出積蓄
Crz的一位好姊妹曾講過，男人將所有的積蓄交給另一半處理，這樣就是愛，沒想到阿輝對這些話鉻記在心，更馬上將那個月賺回來酬勞，全部交給Crz，令她甜在心頭：「我當然唔會收啦，但佢呢個行為真係加晒分！雖然我冇收到，但我已經好開心。」此外，她曾在直播間教人拍拖應該要間中送禮物，營造驚喜，尤其是大時大節更加要送禮。阿輝因為聽到Crz的這番話，有一天突然送了一份大禮給她，讓她感受到對方一直有將她的話放在心上；還有，阿輝平日儀式感滿滿，令Crz每天都充滿驚喜！難怪，他成功將女神私有化喇！
延伸內容：陶枳樽返內地發展5年 竟對香港產陌生感 迷失尖沙咀身心俱疲
延伸內容：尋秦記│誓要做「古女郎」 陶枳樽用10秒戰勝古天樂
《東周網》訪談系列節目《星桄伴我心》4月重磅嘉賓：
即睇：《中年好聲音4》「鹿七伯」譚永浩 新秀冠軍變賣菜謀生｜戶口剩幾十蚊難受歲月｜神跡驅使愛上網紅杜小喬
立即追蹤《東周刊》全新WhatsApp頻道，緊貼全城熱話、突發猛料、獨家消息！
