發佈時間：14:58 2026-09-21
《女神配對計劃2》於昨晚（9月20日）晚播出的第三集話題不斷，現年 40 歲的甜品店老闆侯建民（Zico）一出場，即憑成熟穩重的外表與健碩身材吸引女神俞可程的目光，二人互動火花四濺！
俞可程冧足全程 家姐致電提醒
節目中，俞可程與 Zico 全程有講有笑，充滿粉紅泡泡。俞可程問：「如果你要整款甜品俾我，你會整啲咩？」Zico：「咁你鍾意食啲咩甜品？」俞可程：「你估吓？」Zico：「朱古力布丁嗰類。因為呢幾款比較甜。」
俞可程家姐即刻笑言：「佢笑到唔停口，春心蕩漾，要打俾佢叫佢冷靜啲！」主持 Bob（林盛斌）亦忍不住發話：「其實我哋真係可以走先，你哋兩個慢慢傾。」
俞可程在事後接受訪問時，大方公開自己對 Zico 特別感興趣且情有獨鍾的原因，事關二人早在節目外已有一段「網上情緣」：「其實我哋有一個 common friend Terry（李偉健），我有一次見到 Terry 嘅 IG po 咗一張相，係一班人做 Gym。機緣巧合下，我撳到 Zico 嘅 IG，所以我本身都有留意佢一段時間，今次再見返佢，有熟悉嘅感覺。」
延伸內容 : 女神配對計劃2│俞可程晒長腿教整健康餐 網民大讚Fit爆有原因
延伸內容 : 女神配對計劃2│何沛珈被男仔拖手嚇到縮 俞可程拒「收兵」浪費時間
延伸內容 : 女神配對計劃2│俞可程被爆「容易受傷」 何沛珈鍾意「熟男」 陳若思海量擇偶要求
延伸內容 :「久旱」俞可程單身年半恨拍拖 強烈否認係陳奐仁口中 「心機女」
與袁偉豪同屆 參選《香港先生競選》
可以以極速時間冧掂女神，侯建民都不是省油的燈，身高 178cm、體重 80kg，年收入120萬的他不僅精通巴西柔術，更擁有爆肌身材與極出色的運動履歷。侯建民曾參選 2007 年《香港先生競選》，與袁偉豪同屆，其後更於 2013 年勇奪「世界健身先生」亞軍。此外，侯建民亦曾參演不少電視劇及電影，並與羅子溢、何潤東等男神級藝人合作過，真係唔止高大威猛咁簡單。
