發佈時間：13:38 2026-03-21
廖子妤（Fish）、鄭芷淇（Elka@LollyTalk）、趙君瑜（Angelina）、黎紀君（Christy）及林千渟昨日（20日）出席時裝品牌Maje活動。Fish以一襲具品牌特色的純白通花長裙現身，頓成全場焦點。獲提名香港電影金像獎最佳女主角的她更透露恨攞一個獎；同場的Elka@LollyTalk自「單飛」後揚言恨合體：「希望大家多啲搵我哋做嘢啦！」
廖子妤恨攞「最佳衣著獎」
憑電影《像我這樣的愛情》入圍香港電影金像獎最佳女主角的廖子妤透露，正密鑼緊鼓挑選頒獎禮戰衣，揚言要艷壓群芳，目標直指是奪得「最佳衣著獎」。她笑言：「每一年，無論係做頒獎嘉賓定係有份提名，我都好希望可以着得靚，因為真係好想攞『最佳衣著獎』！」
她續稱已在準備得獎感言：「萬一咁好彩攞到呢個獎，都有好多人要多謝。上次喺香港電影評論學會頒獎禮嗰陣，我係完全冇準備，如果今次再得獎，我一定會發台瘟。其實我由幼稚園第一次上台扮太陽花嗰陣已經發緊台瘟，但唔知點解依然好愛表演，好愛上台。」
延伸內容：廖子妤《夜王》演媽媽生成功彈出 小時男仔頭 愈大愈有女人味
延伸內容：盧鎮業《夜王》演太子峰爆紅 有指角色似鍾培生惹熱議 由幕後捱到主角 跟女友廖子妤齊響朵
Elka@LollyTalk懷念隊友吵鬧聲
同場的Elka@LollyTalk自爆是購物狂，家中衣櫃早已「爆滿」：「雖然搬咗新屋，但衣櫃已經爆咗，真係買唔到新衫，因為好多衫只係着過一次，想買多啲新衫都難。」她指LollyTalk過往形象多變，如今「單飛」出席活動，正好嘗試新形象：「我打算今年試吓留長頭髮，因為出道4年都係短髮，早前因為工作駁髮，發現效果唔錯。」
她坦言懷念與隊友一同開工的日子：「其實單飛後唔會話唔捨得，因為我哋得閒都會約食飯，但有時出席活動冇咗佢哋喺度，真係靜咗好多。以前化妝嗰陣真係好嘈，我對耳係疲勞轟炸，但我又幾鍾意嗰種感覺。」她透露成員們近期各有各忙，並笑言：「希望大家多啲搵我哋做嘢，咁我哋就會出現㗎喇。」
延伸內容：女團Lolly Talk Elka桃花勁旺 同 YouTuber「波仔」、Zpecial鼓手談戀愛 《全民造星VI》參賽者行孖咇
延伸內容：Lolly Talk被爆「金主」閂水喉 凌晨預告將現身：一齊行得幾遠得幾遠！
趙君瑜轉會古天樂旗下大讚新老闆
至於剛由「試當真」轉會至古天樂旗下的趙君瑜，透露新年期間已向「新老闆」拜年兼逗利是，豈料瞬間「反輸」：「我哋玩『射龍門』，其實古生已經好錫住我哋，但我都輸咗。不過唔緊要，最緊要玩得開心。」她表示正逐步適應新公司環境，未來希望向演員方向發展，在賀歲電影《夜王》中，她就有份扮演舞小姐「EJ Girls」的Tina。
《東周網》訪談系列節目《星桄伴我心》3月重磅嘉賓：
即睇：「葵芳」蔡蕙琪爆拍《夜王》｜要剔「親密程度」點心紙｜與謝安琪秘密淵源｜感動黃子華搭膊頭鼓勵
立即追蹤《東周刊》全新WhatsApp頻道，緊貼全城熱話、突發猛料、獨家消息！
