憑美劇《五行刺客》成功打入荷里活的香港武打女星司徒鈺芸（JuJu），於2019年10月下嫁電影導演司徒永華（Antony），不經不覺已結婚4年，兩夫妻一直想生B卻未有所出。
早前趁疫情空檔，JuJu和老公先後接受多次人工受孕，但終告失敗。之後，她適逢到澳洲工作，於是到醫院求診，初時被指疑似患上卵巢癌，經檢查身體後，方知患上子宮內膜移位症第4期，左邊的輸卵管閉塞。縱使這個病未有生命危險，但卻影響生育的機會率。日前，JuJu接受本刊獨家訪問；期間，她透露於接受手術和藥物治療過程中，身心飽受煎熬，憶述時忍不住淚如泉湧︰「痛到撕裂！」

屢敗屢戰

動作女星司徒鈺芸（JuJu），向來是一個有計劃的人，無論工作和愛情都按部就班，所以跟電影導演司徒永華（Antony）一開始拍拖，便和對方直說：「我係想生仔，否則唔好嘥時間。」拍拖兩年後，他們於2019年10月1日修成正果；而JuJu 就打算先享受1年的二人世界，然後便努力「造人」。
因早有生B大計，JuJu和老公婚前已做好身體檢查，隨着疫情到來，工作叫停，便全速進行「造人」，她謂︰「以為生B好容易，但一直冇結果，咪睇吓生育科醫生和食啲保健品。」同時開始嘗試人工受孕，她憶述每日要打針落肚，每次不同劑量，打足十多日，由於自己怕打針，幸有老公代勞。「第一次喺香港試做，曾經放過（胚胎）落肚度10幾日，屬化學性懷孕，但最終唔得。」事隔大半年，適逢夫妻到泰國工作，於是順道再試人工受孕，同樣失敗告終。
屢敗屢戰的JuJu，待休息及調理身體後，當隨老公返澳洲家鄉工作時，便作出第3次挑戰，「今年4、5月喺悉尼見咗個生育名醫，竟然發現我荷爾蒙level異常，患卵巢癌機會偏高；加上睇番我病歷，建議不如透過微創手術，一次過確認病情和處理。」

劇痛無比

JuJu續說：「原來，我係患上子宮內膜移位症嘅第4期。雖然冇生命危險，但就擴散到腸、腎等器官。經過3個小時手術，醫生話好成功，同時佢清除咗輸卵管閉塞嘅問題。」她回想當時打顯影劑入肚時，過程劇痛無比︰「痛到撕裂！完全唔想做。」而手術後肚上又多4個窿，初時傷口仍有痛楚，故不能大動作，需要一段時間靜養。當然，醫生也不主張在這段時間，將胚胎放入她的體內。
傷痛不如心痛！聽完醫生一席話後，JuJu忍不住眼泛淚光：「當時好心灰！唔放得胚胎，係因為子宮內膜移位嘅細胞，可能會影響BB着床同BB嘅質素。如果我早啲知有呢個問題，就會先處理好，然後再生B。」 JuJu表示，現時醫生建議她可以再做手術，清理子宮內膜移位症的後遺症，又或打藥落肚度3個月，減少體內荷爾蒙活躍，以及軟化一些組織，方可再進行人工受孕。
事實上，由2021開始接受人工受孕的這3年，個性開朗的 JuJu，未知是否因藥物影響，加上每次見醫生，被告知受孕情況成功與否？胚胎狀況好壞？都令其情緒變得異常。她憶述︰「咩都會喊，去超巿買嘢會喊，行過見小學生放學，又會喊，控制唔到，好情緒化，可能受荷爾蒙嘅影響。」全程陪同 JuJu經歷的Antony，亦心痛老婆承受的一切，不但為她抹眼淚，還用力握緊她的手，予以鼓勵。他坦言︰「我都知佢辛苦，精神上支持佢！」

再尋名醫

自澳洲回港至今， JuJu再尋求多4名醫生諮詢，但各有說法，故她這刻正在努力搜集資料，之後才作出下一步決定。她強調始終還年輕，一定會再試人工受孕，若真的不成，她亦已經想好了「Plan B」︰「會收養，或者搵代母。因為我真係好想有BB，原先想生3、4個，一次過生孖胎仲好，但𠵱家真係可以生到1個都好好！」
JuJu因為患上子宮內膜移位症，繼而察覺外界對這個症認知不多，所以她呼籲一眾女性自開始有經期，便要多加注意經痛問題，她苦口婆心說︰「我唔係想生仔，都唔知自己有呢個病，普通檢查係查唔到。醫生講呢個病有機會係家族遺傳，經痛可能係先兆，我由細到大都經痛，讀書時試過痛到見暈、腳軟，要返家休息。其實，呢個婦科病都多女性有，好想呼籲大家多啲認知！」