更新時間：15:30 2026-02-14
發佈時間：15:30 2026-02-14
發佈時間：15:30 2026-02-14
如果可以坐到木村拓哉揸嘅車，無論係的士定巴士，我都會自動波扣好安全帶，可惜呢啲機會⋯⋯
日本影后倍賞千惠子好好彩，在公在私，都做過木村嘅乘客。新片《東京的士：回憶里程》講佢call到木村架的士，由東京前往神奈川嘅養老院度過餘生，期間要求木村兜路，等佢可以回望記憶中嘅東京。
日日為養家唞唔到氣嘅木村，沿途聽見倍賞講起經歷過戰亂嘅跌宕人生，個腦突然叮一聲，有所啟發。呢程的士，真係調轉頭俾番錢都抵！
日本國寶級導演山田洋次新作
《東京的士：回憶里程》係94歲日本國寶級導演山田洋次嘅新作，啱啱攞咗「第68屆藍絲帶獎」嘅最佳導演殊榮。木村20年前拍過山田執導嘅《武士的一分》，聽見可以再合作，即刻𦧲飯應，「只要山田開聲，乜嘢角色我都做。」
倍賞千惠子早跟木村拓哉有片緣
飾演老年版女主角「高野菫」嘅倍賞千惠子，同木村早於2004年動畫《哈爾的移動城堡》已結下緣分，當時佢哋為電影配音，如今終於真人同框演出。倍賞話開拍之前，特登走去睇木村嘅演唱會，仲一邊揈螢光棒，一邊尖叫。「我親身感受到木村嘅舞台魅力！開鏡後，我成日坐喺的士後座，透過倒後鏡偷望佢雙眼，發現佢係一個非常認真嘅人，好有心機聽人講嘢，令我每日開工都好開心。」
蒼井優演年輕版高野菫同樣猛料
至於年輕版「高野菫」，由蒼井優飾演。佢同樣猛料，用影后級演技，去詮釋角色喺戰時動蕩年代成長，經歷父親被炸死、刻骨銘心嘅初戀同不堪回首嘅婚姻。首映禮上，佢十分鬼馬，提議：「既然有《東京的士》，咁應該仲可以拍《大阪的士》、《新潟的士》、《北海道的士》，我想睇木村繼續喺全日本揸的士！」難得木村陪佢癲，一口答應：「即刻出發啦！」
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
