發佈時間：14:13 2026-02-14
阿Sa蔡卓妍和阿嬌鍾欣潼一連兩場「TWINS25周年1314新春限定粉絲見面會」，昨日（13日）於西沙GO park舉行，這為Twins出道25年來首個大型粉絲聚會。一直對二人疼愛有加的經理人霍汶希（Mani）也親臨現場，見證兩人的重要時刻。開騷前，湯怡（Kathy）又驚喜現身，送上祝賀蛋糕。會場內亦悉心佈置，展出8套Twins歷年來的經典舞台服裝與頭飾，讓一眾歌迷得以近距離打卡，回味點滴。
與粉絲大玩遊戲兼點歌
這次粉絲見面會邀得好友「農夫」擔任司儀，妙語連珠帶動全場氣氛。期間，Twins獻唱了《發夢見過你》、《你最紅》、《孖寶668》、《相愛25年》及《忠粉》5首歌曲，更一邊唱一邊走到台下與粉絲作超近距離接觸，令全場氣氛高漲。其後阿Sa和阿嬌又與歌迷大玩估歌名、寫揮春等遊戲，更安排了不同組合的合照及全場大合照環節。唱畢《忠粉》後，台下粉絲紛紛舉牌點歌，寵粉的Twins有求必應，笑言：「好啦，每首唱少少啦。」隨即帶來《雙失情人節》、《黑色喜劇》、《冬令時間》及《天對地》的片段，讓在場歌迷大飽耳福。
分享二人「成長」片段
現場播放二人的「成長」片段時，當看見昔日在頒獎禮上的模樣，阿嬌感性道：「好多回憶呀。」阿Sa則笑說：「好搞笑呀，睇返啲頒獎禮片，嗰陣時啲鏡頭會影到你哋㗎嘛，我真係覺得你哋好勁，打鑼打鼓，哈哈！」阿嬌和應：「係呀，成場都係你哋把聲。」阿Sa隨即深情「表白」：「其實全場其他歌手啲Fans都好勁，但我覺得你哋真係最勁！令到我哋好有面子啊，哈哈！」說畢，粉絲即自動自覺吹起BB，全場歌迷更有默契地齊聲高呼阿Sa和阿嬌，氣氛瞬間推至高峰。
阿Sa籲粉絲Keep住熱情
其後阿Sa表示十分享受這種近距離的見面形式，更趁機呼籲粉絲重拾當年的熱情，「我覺得呢幾年都弱咗少少囉你哋，哈哈。」阿嬌亦點頭附和，着粉絲「要搵返個Passion。」阿Sa續說：「你哋要保持個初心㗎嘛！好似我哋咁！要保持個能耐、保持個精神。雖然你哋個年紀、我哋都係啦，大家越嚟越大，但係都唔可以『老兀兀』咁樣㗎嘛，我喺台度都唔會『嗚……』咁㗎嘛。」
她更分析或許從前沒有智能電話，大家才能全情投入，然後反問：「可唔可以變返以前呀？」全場即時尖叫加歡呼聲不絕，阿Sa最後寄語：「嗱，以後記住我哋去到邊度都要咁呀，勿忘初心呀！」
「社恐嬌」鍾欣潼零怯場
臨近尾聲，二人分享內心感受。阿嬌率先發言：「首先好多謝大家一路以嚟咁支持我哋，有一啲25年一直喺度、有啲係新嘅、有啲係中間加入，雖然我哋唔係成日都可以見面，但係我哋都會成日掛住大家，所以希望以後多啲呢啲線下嘅活動，等你哋唔好咁望穿秋水。」隨後更自爆一向有「社恐」，與人太接近便會緊張，「但係今日我冇，呢個場地真係好Warm，我今日完全冇怯場、冇緊張，非常好。」
Twins逐一與粉絲擊掌道別
而阿Sa則坦言出場前非常緊張，「雖然開演唱會都好緊張，但呢個係Fans meeting，照理就係同啲最熟、最Friend嘅Fans一齊見面，但唔知點解好緊張，可能係好耐冇見，亦都可能係咁樣形式嘅Fans meeting真係第一次。平時開演唱會，你哋係好遠，但呢度大家係好Close，所以可能因為咁樣就有少少緊張，所以好多謝大家今日嚟到呢度同我哋一齊玩。」最後二人逐一與粉絲擊掌道別，首場見面會便圓滿落幕。
延伸內容：阿Sa蔡卓妍首認愛年輕10歲健身教練林俊賢 霸氣回應可刪除「緋聞」兩字 高調談感情事甜到漏
延伸內容：Twins巡唱會完美結束 達成倫敦開騷夢想 蔡卓妍不捨落淚 鍾欣潼要放假好好休息
延伸內容：Twins巡唱北美遇6級地震 阿SA嚇到爆 阿嬌大覺瞓
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
即睇：馬德鐘眼濕濕憶亡母：我好痛！ | 難忘當差亡命飛車追賊 | 肉搏朱茵真相 婚姻傳曾亮紅燈
立即追蹤《東周刊》全新WhatsApp頻道，緊貼全城熱話、突發猛料、獨家消息！
